1 Makronika 29:9 - Bhiblia Yo Sawuleka

⁹ Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

1 Makronika 29:9 Referans Kwoze

2 Vakorinto 8:3

Na fakaza ti to va humisile ngu kuranda kwawe, madingano ni mtamo wawe, kambe ni kupinda mtamo wawe.

1 Vafumeli 8:61

Mbilu yanu yi na hetiseke masoni ka Mkoma, Txizimu txathu, kasi mi tsimbila ngu sileleto sakwe ni kuvekisa sirumo sakwe, nga nyamsi.

Vafilipiya 4:10

Ni tsakile ngutu ka Mkoma, ngu kuwa mi nga tshumela mi wuseta kukhatala kwanu ngu ngani; kha ditshuri mi ti ni khatalela, aniko mi ti si nga ni nzila yo komba kukhatala kwanu.

Johani 15:11

“Ni mi gete mhaka yiya, kasiku litsako langu li txi zumba ni nanu, se kutsaka kwanu ku txi va i di ka kuhetiseka.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Vafilipiya 4:1

Ngu kota yeto, vanathu vo randeka ngutu ni kunaveleka, anu mi ku litsako ni m'bhoti wangu, zumbani mi di tsani ka Mkoma, wo randeka ngutu.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Luka 15:6

senikoko, mbimo yi a nga wuya m'tini wa ramba vangana vakwe ni vaakelani, a txi khene: ‘Tsakani kumweko ni nani nguko ni mani nvuta yangu, yi nga ti mwalate.’

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Valamuli 5:9

Mbilu yangu yi bonga vathangeli va ka Israyeli, a vale va nga ti ningela ngu kuranda kwawe kasi kuthumela ditiko. Dhumisani Mkoma!

Eksodha 35:29

Votshe vanana va ka Israyeli, vavamna ni vavasikati, avale va nga ti ni kunavela kumaha mningelo wuhi ni wuhi kasi kukulisa mthumo awu Mkoma a nga ruma Mosi kasiku e wu maha, m'thu ni m'thu a to heleketa ngu kuranda ka mbilu mningelo ka Mkoma.

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

2 Makronika 17:16

Msana kwakwe kulondeta Amaziya, mwanana wa Zikiri, awu a nga ti ningeta kuthumela Mkoma; a di ni 200.000 wa vavamna va mtamo;

2 Vafumeli 12:5

yi na amukelwa ngu vaphaxeli ka m'thu ni m'thu, ve lulamisela mule yi nga onheka nyumba.

2 Makronika 24:10

Sekoko vathangeli kumweko ni vathu votshe va to tala ngu kutsaka, va to tisa mningelo wawe va ta wu veka amu ka dibhokiso, kala kuza mthumo wu txi guma.

2 Makronika 31:8

Ezekhiya ni vathangeli vakwe va tota wona tindunduma, se ve dhumisa Mkoma, ni kubonga va ka Israyeli vathu vakwe.

Ezra 1:6

Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.