1 Makronika 29:6 - Bhiblia Yo Sawuleka

⁶ Sekoko vathangeli va vatate, ni vathangeli va tihunzu ta ka Israyeli, ni vathangeli va magumi a mazana ni va mazana, kala ka vathangeli va mthumo wa mfumeli va nga senga ngu kuranda kwawe,

1 Makronika 29:6 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

1 Makronika 27:25

Azimavheti, mwana Adhiyeli, i ti ti mxayisi wa tithomba ta mfumeli; se Jonatani, mwana Uziya, i ti ti mxayisi wa tithomba ta tithembweni, ni ta madhoropa, ni ta sidhoropana, ni ta sitezi;

1 Makronika 28:1

Sekoko Dhavhidha a to ramba kona Jerusalema votshe vathangeli va ka Israyeli, ni vathangeli va tihunzu, ni vathangeli va mitxawa, vale va nga ti thumela mfumeli, ni vathangeli va magumi a mazana, ni vathangeli va mazana, ni vathangeli va totshe tithomba ni makhalo a mfumeli, ni va vanana vakwe, kumweko ni mithenwa, ni vavamna, ni votshe vavamna va mtamo.

1 Makronika 29:5

nzalama ka siya sa nzalama, silivhela ka siya sa silivhela, ka wotshe mthumo wa manza a vathumi. I mani koko, a nga tatako dianza dakwe ngu siningo e ningela ngu kuranda kwakwe nyamsi ka Mkoma kani?

Ezra 7:16

Kumweko ni silivhela ni nzalama mi nga yi manako ka dotshe ditiko da Bhabhilona, ni sile vathu ni vaphaxeli va nga ningako, ngu kuranda kwawe, Nyumbani ka Txizimu txawe, txi txi zumbako Jerusalema.

2 Vafumeli 12:5

yi na amukelwa ngu vaphaxeli ka m'thu ni m'thu, ve lulamisela mule yi nga onheka nyumba.

2 Makronika 35:8

Ni vona vathangeli va to ningela mningelo ka vathu ni ka vaphaxeli ni ka Valevhi ngu kuranda kwawe: Hilikiya, ni Zakariya, ni Jeyeli mthangeli wa Nyumbani ka Txizimu, va to ninga vaphaxeli 2.600 wa sifuyo sa sidotho ni 300 wa tihomu.