1 Makronika 29:25 - Bhiblia Yo Sawuleka

²⁵ Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.

1 Makronika 29:25 Referans Kwoze

2 Makronika 1:12

Wuzivi ni wutxhari ni na kuninga, se kambe na kuninga tithomba, ni mikhokhola, ni nduma, asile si nga mbi manwa ngu mfumeli wo khata, kha si na mbi manwa ngu m'thu ka vale vatako msana kwako.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

1 Vafumeli 3:13

Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

Ekleziyaste 2:9

Se ni to kula, ni anda kupinda votshe vale va nga fuma Jerusalema, ni sanzi ku va ho; ni wutxhari wangu wu to simama kwangu.

Joxuwa 3:7

Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Mithumo 19:17

Votshe vathu va Efesu, Vajudha ni Vagriki, va yi zivile mhaka yiya. Votshe ve tala ngu kuthava. Se di kuliswa ditina da Jesu.

Jobe 7:17

Njitxani m'thu koza u txi mthemba, u veka kwakwe mbilu yako kani?

Joxuwa 4:14

Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.

1 Makronika 29:24

Se votshe vathangeli ni vahombe, kala ka votshe vanana va mfumeli Dhavhidha va to ti veka hahatshi ka mfumeli Solomoni.

1 Vafumeli 1:37

Ku nga ti Mkoma a nga mahisa tona ka mfumeli, nyamne wangu, a na mahise toneto ka Solomoni, maha ti to txikhalo txakwe txa wukoma txi guleka kupinda txa mfumeli Dhavhidha, nyamne wangu.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.