1 Makronika 29:23 - Bhiblia Yo Sawuleka

²³ Se Solomoni a to khalahatsha ha txikhaloni ka Mkoma, mfumeli ka wukhalo wa Dhavhidha, tate wakwe, se a to humelela; kambe votshe va ka Israyeli va to mu engisa.

1 Makronika 29:23 Referans Kwoze

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Vafumeli 2:12

Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

1 Makronika 22:11

Konkuwa koko, mwanangu, Mkoma a nave ni nawe, se pfala, u aka Nyumba ya Mkoma, Txizimu txako, nga tile ene a nga wombisa tona kwako.

1 Vafumeli 1:46

Kambe Solomoni a khalahatshile txikhaloni ka wukoma.

1 Makronika 29:24

Se votshe vathangeli ni vahombe, kala ka votshe vanana va mfumeli Dhavhidha va to ti veka hahatshi ka mfumeli Solomoni.

2 Makronika 9:8

A na dhumiswe Mkoma Txizimu txako, awu a tsakako ngu ngawe, kasi e kuveka ha txituluni ka wukoma wa Israyeli, kasi ku u txi fuma ngu ditina da Mkoma Txizimu txako, ngu ku Txizimu txako txa randa Israyeli ka yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

1 Vafumeli 1:13

Tsula, u txi ya wulela ka mfumeli Dhavhidha, u txi ya khawe: “Ina hi ngawe mfumeli, nyamne wangu, u nga xambanya ka txithumi txako txa txisikati, u txi khawe: Ngu ditshuri mwanana wako Solomoni a na fuma msana kwangu, a na khalahatsha ka txikhalo txangu txa wukoma. Se a fumisa kutxani koko, Adhoniya kani?”

1 Vafumeli 1:30

nga ku ni nga ku xambanyisa ngu Mkoma, Txizimu txa ka Israyeli, ni txi khani: Ngu ditshuri mwanana wako Solomoni a na fuma, msana kwangu, kambe a na khalahatsha ha txikhaloni ka wukoma, wukhaloni kwangu, nguko ni na ti maha ka ditshiku da nyamsi.

1 Vafumeli 1:35

Se mi na kwelela ngu msana kwakwe, a nata e ta khalahatsha txikhaloni kwangu, se ene a na fuma wukhaloni kwangu; nguko ni layete ti to ene eva mthangeli wa Israyeli ni Judha.

2 Vafumeli 11:19

Se a to teka vathangeli va mazana ni vathangeli va yimbi, ni va vawoneleli, ni votshe vathu va ditiko; va to khukha ngu Nyumbani ka Mkoma, na va txi tsimbila ngu nzila ya txike txa vawoneleli, veya nyumbani ka mfumeli, se ene a to khalahatsha txituluni ka vafumeli.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

2 Makronika 1:8

Se Solomoni a to khene ka Txizimu: Awe u thumisile Dhavhidha, tate wangu, ngu kukateka ka hombe, kambe ani u ni mahile mfumeli, ka wukhalo wakwe.

2 Makronika 9:30

Solomoni a to fumela Jerusalema ka dotshe ditiko da Israyeli, mune wa magumi a malembe.

2 Makronika 23:20

A to teka vathangeli ta mazana ni tindena, ni vafumeli va vathu, ni votshe vathu va ditiko, va to relelisa mfumeli e huma Nyumbani ka Mkoma, veya wulela nyumbani ka mfumeli ngu txike txa hombe, veya mu veka ha txituluni kwakwe ka wukoma.

Mavingu 1:1

Mavingu a Solomoni, mwana Dhavhidha, mfumeli wa Israyeli.