1 Makronika 29:2 - Bhiblia Yo Sawuleka

² Ani koko, ni ti karatile ngu mtamo wangu wotshe, ni longisela Nyumba ya Txizimu txangu, nzalama ka mthumo wa nzalama, silivhela, ka sa silivhela, koporo ka sa koporo, simbi ka sa simbi, mapulango ka sa mapulango, ni marigwi a onekisi, ni marigwi a engaste ni marigwi o tshurisa ngu ona, ni yotshe mixowo ya marigwi a lisima, ni marigwi o rithimuka amangi ngutu.

1 Makronika 29:2 Referans Kwoze

Vakolosa 3:23

Totshe ti mi ti thumako, ti maheni ngu yotshe mbilu yanu, ngu kuziva ti to mi thumela Txizimu, kha mi thumeli m'thu.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

2 Vakorinto 8:3

Na fakaza ti to va humisile ngu kuranda kwawe, madingano ni mtamo wawe, kambe ni kupinda mtamo wawe.

Jobe 28:16

Hambi kuxava wutxhari ngu nzalama yo sefwa ya Ofiri, hambi ngu onekisi, mwendo ngu safira.

Eksodha 39:13

ka litxhatxha la wumune, i ti marigwi a krisolite, a onekisi, ni a jaspe. Ma ti hariketilwe ngu sihariketo sa nzalama.

Eksodha 39:6

Ku lulamisilwe marigwi a onekisi, me nameketwa sitsaniso sa nzalama, ma txi bhalwa ngu kukenyelwa nga txixambanyo, me bhalwa matina a vanana va ka Israyeli.

Eksodha 28:20

ka litxhatxha la wumune ku nava ka krisolite, ka onekisi ni ka jasperi; na ku txi tsaniswa makhaloni ka kona ngu sihariketo sa nzalama

Eksodha 28:17

U na veka ka txona sihariketo sa marigwi a mtengo wa hombe, ma di folisilwe ngu ka mune wa titxhatxha; ka litxhatxha lo khata ku na vekwa saridhoni, topazi ni esmeralidha;

Genesisi 2:12

Nzalama ya ditiko donedo yi tshurile; koneyo ku manekako bhidheli, ni dirigwi da lisima.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

1 Makronika 29:3

Se ngu kudhunda kwangu Nyumba ya Txizimu txangu, ni na ningela nzalama ni silivhela, ni si ningela Nyumbani ka Txizimu txangu, hahanze ka sotshe siya ni nga lulamisela nyumba yo sawuleka.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Eksodha 28:9

U na teka marigwi mambidi a onekisi aale u no bhala ka ona matina a vanana va ka Israyeli,

2 Makronika 3:6

Kambe a tsurisete nyumba ngu marigwi o tsurisela ngu ona. Se nzalama ya kona i ti ti ya Parivayimi.

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.