1 Makronika 29:18 - Bhiblia Yo Sawuleka

¹⁸ Mkoma Txizimu txa vatate vathu, Abrahamu, ni Isaake, ni Israyeli, vekisa eto mbimo yotshe, kunavela ka mipimiso ya timbilu ta vathu vako; u rendekelisa timbilu tawe kwako.

1 Makronika 29:18 Referans Kwoze

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Jeremiya 10:23

Mkoma, na tiziva ti to nzila ya m'thu kha yi nga mtamoni kwakwe. Kambe m'thu kha sikoti kululamisa mazambo akwe.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

1 Vatesalonika 3:11

Ha kombela ti to Txizimu Tate wathu, ni Mkoma wathu Jesu Kristu, va txi hi tulela nzila yo ta kheyo kwanu.

Masalmo 119:113

Na nyenya vakanganyisi, aniko ni randa mlayo wako.

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Masalmo 10:17

Mkoma, engisa mikombelo ya sisiwana; si mbuwetele u txi si amukela.

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

Matewu 22:32

“Ani ni Txizimu txa Abrahamu, Txizimu txa Isaake, Txizimu txa Jakobe kani? Txona hi nga Txizimu txa vafi, aniko Njizimu txa va va hanyako.”

Masalmo 119:166

Mkoma, ani ni rinzela kuhanyisa kwako, nguko ni xayisile sirumo sako.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Eksodha 4:5

“Kasi kuve kholwa taku a wonekile kwako Mkoma, Txizimu txa vatate vako, Txizimu txa Abrahamu, Txizimu txa Isaake, ni Txizimu txa Jakobe.”

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Dhewuteronome 5:29

Sikwawe, idiku timbilu tawe yotshe mbimo to va ni mapimo o nga toneto, veva ni txithavo, va txi vekisa ngu kusimama sotshe sirumo sangu, va ndi na zumbiseka ta tinene, vona ni vanana vawe, kala kupinduka.

2 Makronika 30:6

Ku to rumelwa mitumi ka dotshe ditiko da Israyeli ni da Judha, yi di ni mapapilo awa ma nga bhalwa ngu dianza da mfumeli ni vathangeli vakwe madingano ni kuruma ka Mkoma a txi khene: Vanana va Israyeli, hundulukelani ka Mkoma, Txizimu txa Abrahama, ni Isaake, ni Israyeli, kasi ku ni txona txi tshumelela kwanu mi nga huluka manzani ka vafumeli va Asiriya.