1 Makronika 29:16 - Bhiblia Yo Sawuleka

¹⁶ Mkoma, Txizimu txathu, kutala ka sotshe si hi nga lulamisela kasi ku akela nyumba ditina dako do sawuleka, sita ngu manzani kwako, sotshe nzako.

1 Makronika 29:16 Referans Kwoze

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

1 Makronika 29:14

Nguko ngani mani ani, ni vathu vangu mba mani, vaku hi nga sikota kuninga simaha so fana ni siya, ngu kuranda kwathu kani? Nguko sotshe sita ngu kwako, se ha si ningela manzani kwako.

Luka 19:16

A to ta wo thanga, a txi khene: ‘Mkoma, pondo yako yi bhindute digumi da tipondo.’

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

2 Makronika 31:10

Se Azariya mphaxeli wa hombe wa nyumba ya Zadhoki a to mu gela a txi khene: Kukhukhela mbimo ayi va nga khata ngu yona kuningela mningelo Nyumbani ka Mkoma, hi dyite, hi khura si tshumela si sala sakudya sasingi, nguko Mkoma a katekisile vathu vakwe, se ngu mamahelo eyo ku to sala sakudya sasingi ngutu.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Hagayi 2:8

Txangu i silivhela, ni nzalama txhangu, kuwomba Mkoma wa Mabutho a Tiyimbi.