1 Makronika 29:12 - Bhiblia Yo Sawuleka

¹² Se tithomba ni wudhumo si ta ngu kwako, awe wa fuma txitimwi ka sotshe, mtamo ni wukoma si manzani kwako; wa kulisa ni kuninga mtamo ka sotshe ngu manza ako.

1 Makronika 29:12 Referans Kwoze

Vaefesu 3:16

Na kombela ti to ene, madingano ni kupfuna ka wudhumo wakwe, e mi tsanisa timbiluni kwanu, ngu mtamo wa moya wakwe,

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

2 Makronika 20:6

Se a to khene: Mkoma Txizimu txa vatate vathu, ina hi nga awe Txizimu txa nzumani kani? Hi nga awe u fumako txitimwi ka yotshe mifumo ya vathu kani? Diwokoni kwako ku ni mtamo wotshe, kha ku ngani m'thu wu a nga lwako ni nawe.

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Isaya 40:29

A ninga mtamo ka wule a nga karala, kambe engetela mtamo ka wule asi ngako ni mtamo ni wa wudotho.

2 Makronika 1:12

Wuzivi ni wutxhari ni na kuninga, se kambe na kuninga tithomba, ni mikhokhola, ni nduma, asile si nga mbi manwa ngu mfumeli wo khata, kha si na mbi manwa ngu m'thu ka vale vatako msana kwako.

Mtuletelo 11:17

“Athu ha ku bonga, Mkoma Txizimu txa mtamo wotshe, awe u ku awule a kuho, ni awule a nga ti ho, nguko u amukete mtamo wako wa hombe, u khata kufuma.

Isaya 43:13

Na ku si se vaho ditshiku, ani ngani; kambe kha ngaho wu a sikotako kuhuluka manzani kwangu; Ngako ni txi thuma, i mani a no ni tsimba kani?

Ekleziyaste 5:19

Se ka m'thu wule Txizimu txi nga mninga tithomba ni mipeto, ni mtamo wa ku tidya, a txi teka txyavelo txakwe, e ti tsakela ngu mthumo wakwe, etxo njiningo txa Txizimu.

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Jobe 9:19

Se ngu mule ka mitamo, txona txi ni mtamo; se amu ka kulamula, i mani a nga ni fananisako natxo kani?

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Mavingu 8:18

Tithomba ni kudhundeka, si ni nani; ina, tithomba ta kwa mbi guma, ni wululamo.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Masalmo 62:11

Ka sikhati sasingi ni engisile mapswi awa Txizimu txi nga womba txi txi kha txona: “Mtamo wu lumba Txizimu.”

Masalmo 29:11

Mkoma wa ninga mtamo ngamu yakwe; Mkoma a katekisa ngamu yakwe ngu kudikha.

Masalmo 29:1

Dhumisani Mkoma, anu sivangwa sa nzumani, dhumisani Mkoma, pfalisani mtamo wakwe ni wudhumo wakwe.

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.

Jobe 42:10

Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Joxuwa 4:24

Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.

1 Makronika 29:13

Konkuwa koko, awe Txizimu txathu, ha ninga kubonga ni kudhumisa ditina da wudhumo wako.

2 Makronika 32:29

A to ti akela madhoropa e ti lavela ni tinvuta ni tihomu ta tingi ngutu, nguko Txizimu txi mningile thomba yayingi ngutu.

Dhaniyeli 2:20

Dhaniyeli a to womba, a txi khene: “Di na dhumiswe ditina da Txizimu ngu ha ku si gwitiko” nguko wuzivi ni mtamo, nza Txizimu;

Masalmo 62:12

Ni wona wunene mbwako, Mkoma u hakelako m'thu, madingano ni mithumo yakwe.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.