1 Makronika 29:11 - Bhiblia Yo Sawuleka

¹¹ Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

1 Makronika 29:11 Referans Kwoze

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Dhaniyeli 4:3

Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.

Genesisi 1:1

Kukhatani Txizimu txi vangile nzuma ni mafu.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 29:4

Dipswi da Mkoma di ni mtamo, dipswi da Mkoma di tate ngu wuhombe.

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

Masalmo 97:1

Mkoma wa fuma. Ma na tsake mafu! Si na tsake sitondolo ngu wungi wa sona!

Jobe 37:22

kuphatima ka nzalama kuta ngu wuphemba; nguko ka Txizimu ku ni kuthaviseka ka hombe.

Masalmo 104:1

Bonga ka Mkoma awe dihika dangu! Mkoma, Txizimu txangu! Wa thisa ngutu ngu wuhombe; u ambate wudhundo ni wulamuli.

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Masalmo 97:9

Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Masalmo 57:5

Awe Txizimu, kombisa wuhombe wako nzumani wudhumo wako wu na fenengete dotshe ditiko!

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

Masalmo 47:9

Vathangeli va vathu va tshangani ve ti pata ni vathu va Txizimu txa Abrahamu. Nguko mifumo ya ha mafuni yi lumba Txizimu; Txizimu txi maneka txitimwi ka sotshe!

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

2 Makronika 20:6

Se a to khene: Mkoma Txizimu txa vatate vathu, ina hi nga awe Txizimu txa nzumani kani? Hi nga awe u fumako txitimwi ka yotshe mifumo ya vathu kani? Diwokoni kwako ku ni mtamo wotshe, kha ku ngani m'thu wu a nga lwako ni nawe.

Masalmo 89:11

Awe u Mkoma wa nzuma ni mafu, u vangile ditiko ni sotshe si si manekako ka dona.

Dhaniyeli 2:20

Dhaniyeli a to womba, a txi khene: “Di na dhumiswe ditina da Txizimu ngu ha ku si gwitiko” nguko wuzivi ni mtamo, nza Txizimu;

Joxuwa 3:11

Wonani taku, dibhokiso da txitumelelano txa Mkoma wa otshe mafu, di na thanga di txhatuka ka mnambo wa Jordhani, masoni kwanu.

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Masalmo 10:16

Mkoma wa fuma kala kupinduka; mahedheni ma na humiswe ditikoni kwakwe.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Masalmo 145:6

Va na xawutela mithumo yako ya mtamo ni kuthisa, va txi huwelela wuhombe wako.