1 Makronika 29:1 - Bhiblia Yo Sawuleka

¹ Dhavhidha a to womba kambe ka wotshe msengeletano a txi khene: Mwanana wangu Solomoni, ngene ekha a nga sawulwa ngu Txizimu, i ngadi mfana, kha se va ni mtamo, na kona mthumo wuwa mbwa hombe; nguko nyumba hi nga ya m'thu kambe nja Mkoma Txizimu.

1 Makronika 29:1 Referans Kwoze

1 Makronika 22:5

Nguko Dhavhidha a ti ti khene: Mwanana wangu Solomoni i ngadi mfana, na kona kha se ziva txilo, se nyumba yi yi no akelwa Mkoma nja hombe ngutu, nja ditina ni wudhumo ka otshe matiko; konkuwa koko, ani ni na lulamisela so aka ngu sona. Ngu kumaha keto, Dhavhidha a to lulamisela simaha sasingi so aka ngu sona, a sanzi kufa.

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

Mavingu 4:3

Nguko ani ni ti ti mwanana wa tate wangu, tximwananana tximwetxo txo randeka, ka mwamwangu.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

1 Makronika 28:8

Konkuwa koko, masoni ka votshe va ka Israyeli, ka msengeletano wa Mkoma, ni masoni ka tinzeve ta Txizimu txathu, xayisani ni kulava yotshe milayo ya Mkoma, Txizimu txathu, kasi ku mi na zumba ka ditiko diya da dinene, ni ku di maha thomba ya vanana vanu, kala kupinduka.

1 Makronika 28:1

Sekoko Dhavhidha a to ramba kona Jerusalema votshe vathangeli va ka Israyeli, ni vathangeli va tihunzu, ni vathangeli va mitxawa, vale va nga ti thumela mfumeli, ni vathangeli va magumi a mazana, ni vathangeli va mazana, ni vathangeli va totshe tithomba ni makhalo a mfumeli, ni va vanana vakwe, kumweko ni mithenwa, ni vavamna, ni votshe vavamna va mtamo.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

Jeremiya 30:18

Mkoma a khene: Ni na wuyisa vo ñolwa va matenda a Jakobe, ni na pfela wusiwana dizumbo dakwe; didhoropa di na aketwa txizani ka dona, nyumba ya wukoma yi na nga tontile ta kale.

1 Vafumeli 1:20

Ngu konaho koko, awe mfumeli, nyamne wangu, maso a dotshe ditiko da Israyeli ma wonetela awe, kuva u txi va gela ti to i mani a no khalahatsha txikhaloni ka mfumeli, msana kwako awe nyamne wangu.

1 Makronika 22:2

Se Dhavhidha a to leleta taku, votshe valuveli vale va nga ti ditikoni ka ka Israyeli, ve sengeletana; e leleta kambe ni vavati va marigwi taku ve vata marigwi o aka ngu ona Nyumba ya Txizimu.

2 Makronika 1:2

Se Solomoni a to womba ka votshe va ka Israyeli, ka vathangeli va yimbi va magumi a mazana, ni va mazana, ni ka valamuli, ni ka votshe vathangeli va dotshe ditiko da Israyeli, vathangeli va tinyumba ta vatate va kona.