1 Makronika 28:7 - Bhiblia Yo Sawuleka

⁷ Se ni na tsanisa mfumo wakwe kala kupinduka, ngako a txi xayisa ni kulondeta milayo yangu, ni sileleto sangu, nga ti a nga mahisa tona kala ka ditshiku da nyamsi.

1 Makronika 28:7 Referans Kwoze

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

1 Vafumeli 8:61

Mbilu yanu yi na hetiseke masoni ka Mkoma, Txizimu txathu, kasi mi tsimbila ngu sileleto sakwe ni kuvekisa sirumo sakwe, nga nyamsi.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

1 Makronika 28:8

Konkuwa koko, masoni ka votshe va ka Israyeli, ka msengeletano wa Mkoma, ni masoni ka tinzeve ta Txizimu txathu, xayisani ni kulava yotshe milayo ya Mkoma, Txizimu txathu, kasi ku mi na zumba ka ditiko diya da dinene, ni ku di maha thomba ya vanana vanu, kala kupinduka.

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.