1 Makronika 28:6 - Bhiblia Yo Sawuleka

⁶ Se a to khene kwangu: Mwanana wako Solomoni, ngene a no aka nyumba yangu ni siluvelo sangu, nguko ni msawute kuva mwanana wangu, ani ni na va tate wakwe.

1 Makronika 28:6 Referans Kwoze

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

Vahebheru 4:5

Mhakeyo ya wombwa kambe: “Kha va na mbi wulela kuhumulani kwangu.”

Vahebheru 3:3

Nguko, ene a manekile a di ni wudhumo wa hombe kupinda Mosi, kambe muaki wa nyumba a mana kudhumiswa ka kupinda nyumba ya kona.

2 Makronika 1:9

Konkuwa koko, awe Mkoma Txizimu, tsanisisa dipswi dako, dile u nga ninga Dhavhidha, tate wangu; nguko awe u ni mahile mfumeli txitimwi ka vathu votala ngutu nga lithulu la mafu.

1 Vafumeli 5:5

Se ani ni lava kuduketa kuakela nyumba ditina da Mkoma, Txizimu txangu, nga ti Mkoma a nga wombisa tona ka Dhavhidha, tate wangu, a txi khene: Mwanana wako, awu ni no m'veka ha wukhaloni kwako ka wukoma, eyo a na akela nyumba ditina dangu.

1 Vafumeli 8:20

Mkoma a to di tsanisisa toneto dipswi dile a nga ti di wombile; nguko ni emile ka wukhalo wa tate wangu Dhavhidha, ni khalahatshile ka txitulu txa wukoma txa ka Israyeli, nga ha a nga womba Mkoma; se ni akete nyumba ditina da Mkoma, Txizimu txa Israyeli.

Ezekhiyele 40:14

Kambe a to maha tisika ta mtxhanu wa magumi ni dimwedo a mikono, se ni m'hubhe kala ha ka sika, yo horoloka ditimba.