1 Makronika 28:21 - Bhiblia Yo Sawuleka

²¹ Se wona, taku u ni mitxawa ya vaphaxeli ni ya Valevhi, kuva ve maha wotshe mthumo wa Nyumba ya Txizimu; kambe u ni vathu vo ti ningetetela, va zivako kumaha yotshe mithumo ya tixaka totshe, votshe vathangeli ni votshe vathu vaho, kasi kumaha totshe ti u no va ruma.

1 Makronika 28:21 Referans Kwoze

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

1 Makronika 28:13

ni txa mitxawa ya vaphaxeli, txa Valevhi, ni txa wotshe mthumo wa Nyumbani ka Mkoma, ni txa sotshe siya sa mthumo wa Nyumbani ka Mkoma.

Eksodha 35:25

Se votshe vavasikati vo txhariha va zivako kuluka tinguwo, va to luka ngu manza awe vapune, ve wuyisa tinguwo ta mkungu, ni to zirila, ni to bhilivila, ni ta linyu yo tshura.

Eksodha 31:3

ni mthete Moya wa Txizimu, wa wuzivi ni wutxhari, ni mapimo ka totshe tixaka ta mithumo,

Eksodha 36:1

Bhezaleli, Oholiyabhe, ni votshe vale va nga ningwa wutxhari ngu Mkoma, va txi va ni wuzivi ni mapimo, va to ta va ta maha mithumo yotshe ya mu nyumbani ko sawuleka, madingano ni sileleto si va nga ningwa ngu Mkoma.”

Eksodha 36:2

Mosi a to dhana Bhezaleli ni Oholiyabhe ni votshe vathu va wutxhari avale Mkoma a nga va ninga wuzivi, votshe avale timbilu tawe ti nga va ruma ti to ve ti ningetetela amu ko maha yotshe mithumo.

1 Makronika 25:25

ya wugumi ni mtxhanu ni tiraru yi to ñola Hanani, ni vanana vakwe, ni vanawe, i ti ti digumi ni vambidi;

1 Makronika 26:26

Se Selomite ni vanawe va ti ti ni mthumo wo xayisa totshe tithomba ta siya so sawuleka sile mfumeli Dhavhidha, ni vathangeli va vatate, vathangeli va magumi a mazana, ni va mazana, ni vathangeli va mabutho a yimbi, va nga ti si sawulekisile;