1 Makronika 28:2 - Bhiblia Yo Sawuleka

² Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

1 Makronika 28:2 Referans Kwoze

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Sidilo 2:1

Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Mithumo 7:49

‘Nzuma njikhalo txangu txa wukoma, mafu njikhigelo txa mikondo yangu. I nyumba muni mi no ni akela kani, kha Mkoma, ni wukhalo wa kuhumula kwangu i nga va wuhi kani?

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Masalmo 22:22

Sekoko ni na xawutela ka maxaka angu ati u nga maha; kambe ni na kudhumisa hagari ka msengeletano, ni txi khani:

1 Makronika 22:14

Wona taku, ha kuxuphekani kwangu, ni lulamisete sa Nyumba ya Mkoma, 100.000 wa titalenta ta nzalama ni 1.000.000 wa titalenta ta silivhela ni ta koporo, ni ta txikete ta kwa mbi balwa, nguko nza singi; kumweko ni mapulango ni marigwi, se awe, lava si si kelelako.

1 Makronika 6:31

Avava koko, ngu vale Dhavhidha a nga va veka, ka mthumo wa wuembeleli Nyumbani ka Mkoma, msana ka kuva dibhokiso di di mani kuhumula.

1 Vafumeli 1:47

Se sithumi sa mfumeli si tile si ta tsakela nyamne wathu, mfumeli Dhavhidha, si txi kha sona: Txizimu txako txi na mahe ditina da Solomoni dive da txhuko kupinda dako; kambe mfumo wakwe wu na mahe wa hombe kupinda wako. Se mfumeli a to nama ha m'bhedhuni kwakwe.

Dhewuteronome 17:20

Ngu toneto, kha na mbi ti hambukisa masoni kwakwe eya txinene mwendo txibhabha; kasi kuengetela masiku a mfumo wakwe, ene ni vanana vakwe, hagari ka va ka Israyeli.”

Dhewuteronome 17:15

ngu tona, u fanete ku ti emisela mfumeli wule a no va a di sawutwe ngu Mkoma, Txizimu txako; u na teka mmweyo wa vananu u txi mu emisa e maha mfumeli, masoni kwako. U na sikota kufumisa wa hahanze, i si nga wule i ku wa ka kwanu.

Genesisi 48:2

Se va to ya bikela Jakobe, va txi kha vona: Mwanako Josefa a bwakile a lava ku ku wona. Israyeli a to wuseta mitamo yakwe e wuka a txi khalahatsha ha m'bhedhuni kwakwe.

1 Vafumeli 5:3

Kha ditshuri wa tiziva ti taku tate wangu Dhavhidha kha sikota kuakela nyumba ditina da Mkoma, Txizimu txakwe, ngu mhaka ya kurandelwa ngu tiyimbi, kuza kuhoka aha Mkoma a nga va veka hahatshi ka mikondo yakwe.

1 Makronika 17:4

Tsula u ya gela Dhavhidha, txithumi txangu, u txi khawe: Mkoma a khene: Awe khu na mbi ni akela nyumba yaku ni zumba ka yona,

2 Makronika 6:7

Kambe Dhavhidha, tate wangu a alakanyile mbiluni kwakwe kuakela nyumba ditina da Mkoma, Txizimu txa Israyeli.

Isaya 60:13

Wudhumo wa Libhanoni wu nata kwako; kumweko ni mikipresi, ni mipinyeru, ni misiringa, kasi ku ta tshurisela wukhalo wangu wo sawuleka; se ni na dhumisa wukhalo wu mikondo yangu yi emako ka wona.

1 Makronika 22:6

Sekoko a to dhana Solomoni, mwanakwe, e ta mleleta taku a txi aka Nyumba ya Mkoma, Txizimu txa Israyeli.

1 Makronika 22:7

Se Dhavhidha a to khene ka Solomoni: Mwanangu, ni ti ni makungo o akela nyumba ditina da Mkoma, Txizimu txangu.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Masalmo 132:2

Alakanya sixambanyo sakwe, sithembiso si a nga si maha ka Txizimu txa mtamo, txa Jakobe, a txi khene:

Ezekhiyele 43:7

a txi ta khene kwangu: Awe mwanana wa m'thu, awuwa mbukhalo wangu wa wukoma, aho mikondo yangu yi kandako kona, ni na zumba kona hagari ka vanana va ka Israyeli kala kupinduka; kambe va nyumba ya ka Israyeli, kha va na mbi ngadi ve nyenyezisa ditina dangu do sawuleka, vona, hambi vafumeli vawe, ni wugelegele wawe, ni sirumbi sa vafumeli vawe, siluveloni kwawe.

Matewu 25:16

Awule a nga amukela mtxhanu wa titalenta, a to bhindula ngu tona, e mana timwani ta mtxhanu.