1 Makronika 28:19 - Bhiblia Yo Sawuleka

¹⁹ Totshe tiya, Dhavhidha a to khene: Va to ni ninga ngu mibhalo, ngu kuruma ka Mkoma, i ku tiya, yotshe mithumo ya txikombiso txiya.

1 Makronika 28:19 Referans Kwoze

Eksodha 25:40

Wonisisa koko, u maha madingano ni zumbelo ya kona nga tona ti u nga kombwa tona mmangoni.

Ezekhiyele 3:22

Se kona hale dianza da Mkoma di ti txitimwi kwangu, e ni gela ku khene: Khukha u tsula mkovani, ni na ya womba-womba kona ni nawe.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Ezekhiyele 1:3

di tile dipswi da Mkoma di ta wombwa ka Ezekiyeli, mwana Bhuzi, mphaxeli, ditikoni ka Vakaldheya, hafuhi ni mnambo wa Kebhari, se koneho dianza da Mkoma, di ti ti txitimwi kwakwe.

Eksodha 26:30

Sekoko u na gwimbisa toneto ditenda, nga ti ni nga ku kombisisa tona ka wona mmango wuwa.

Ezekhiyele 40:2

Ngu txiwoniso txa Txizimu, di to ni yisa ditikoni ka Israyeli, di txi ya ni veka txitimwi ka mmango wo guleka ngutu; ku ti ti ni so fana ni didhoropa di nga akwa, txitimwi ka mimango, ngu didhawa da wulambwe.

1 Vafumeli 6:38

Se, ka dilembe da digumi ni dimwedo, ka mtxima wa bhuli, i ku mtxima wa wutxhanu ni yiraru, yi to hetwa nyumba yiya ni sotshe sitanga sa kona ni sotshe si si nga ti laveka; ngu mtxhanu wa malembe ni mambidi.