1 Makronika 28:10 - Bhiblia Yo Sawuleka

¹⁰ Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

1 Makronika 28:10 Referans Kwoze

1 Makronika 28:6

Se a to khene kwangu: Mwanana wako Solomoni, ngene a no aka nyumba yangu ni siluvelo sangu, nguko ni msawute kuva mwanana wangu, ani ni na va tate wakwe.

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

Ezra 10:4

Khukha koko, nguko ya kulumba mhaka yiya, se athu hi nava ni nawe; ti karate u maha toneto.

1 Vafumeli 1:20

Ngu konaho koko, awe mfumeli, nyamne wangu, maso a dotshe ditiko da Israyeli ma wonetela awe, kuva u txi va gela ti to i mani a no khalahatsha txikhaloni ka mfumeli, msana kwako awe nyamne wangu.

1 Vafumeli 2:2

“Ani na tsula ngu nzila ya votshe ha mafuni; tsana, u maha wamwamna.”

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.