1 Makronika 27:29 - Bhiblia Yo Sawuleka

²⁹ Sitrayi, wa Saroni, i ti ti m'dyisi wa sifuyo kona Saroni; kambe Safati, mwana Adhilayi, i ti ti m'dyisi wa sifuyo mikovani.

1 Makronika 27:29 Referans Kwoze

1 Makronika 5:16

Se va ti akile Gileyadhi, ni Bhasani, ni ka makhalo awe, ni ka makhalo otshe o dyisela ka ona, kona Saroni, kala ka sike sa kona.

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Mithumo 9:35

Se votshe va va nga aka ditikoni ka Lidha ni Saroni, ngako va txi mu wona, va to hunduluka ve kholwa ka Mkoma.

1 Samuwele 21:7

Kambe ka ditshiku donedo ku ti ti mmweyo wa sithumi sa Sawule koneho, a di ñolekile masoni ka Mkoma; se ditina dakwe i ti ti Dhowege, Muedhomi, mthangeli wa hombe ka vadyisi va Sawule.

1 Makronika 27:30

Obhili, wa va ka Ismayeli, i ti ti mxayisi wa makamelu; se Jedhiya, wa Meronoti, i ti ti mxayisi wa timbongola.

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.

2 Makronika 26:10

A to aka mikhokhola ya hombe txivulani, a to kela sisima sasingi, nguko a ti ti ni sifuyo so tala mikovani ni tibalani; ni vadimi va tithembwe ta mivhinya, mimangoni ni ka tithembwe to nona, nguko a ti ti dhunda ngutu kudima.

Ekleziyaste 2:7

Ni xava tikhumbi ta txiwamna ni ta txisikati, ni ve ni sithumi so velekelwa nyumbani kwangu; kambe ni ve ni tithomba tatingi ta tihomu ta mikati, ni tinvuta, kupinda votshe vale va nga maneka Jerusalema, ni sanzi ku va ho.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.