1 Makronika 27:2 - Bhiblia Yo Sawuleka

² Txitimwi ka mtxawa wo khata ka mtxima wo khata, ku ti ti ni Jasobheyamu, mwana Zabhedhiyeli; se ka mtxawa wakwe, ku ti ti ni 24.000 wa vavamna.

1 Makronika 27:2 Referans Kwoze

1 Makronika 11:11

Se mtengo wa tindena tile Dhavhidha a nga ti nato, ngu wuwa: Jasobheyami, Muhakimoni, mthangeli wa hombe wa tindena, awule mbimo yi a nga ndiwita mseve wakwe, a nga daya 300 wa vavamna ngu txikhati tximwetxo.

2 Samuwele 23:8

Matina a tindena ti a nga ti nato Dhavhidha ngu awa: Josebhe-Bhasebheti, mwana Takemoni, wa hombe wa vathangeli va yimbi; awuwa i ti Adhino, muezini, a nga lwa ni 800 wa vavamna e va daya ngu mbimo yimweyo.

1 Makronika 27:1

Avava mbanana va ka Israyeli, madingano ni mtengo wawe, ni vathangeli va vatate, ni vathangeli va magumi a mazana, ni va mazana, ni vathangeli va kona, vale va nga ti thumela mfumeli ka totshe timhaka ta mitxawa, va txi wulela ni kuhuma mtxima ni mtxima, ka yotshe mitxima ya dilembe, mtxawa wumwani ni wumwani wu ti ti ni 24.000 wa vathu.

1 Makronika 27:3

Ene i ti ti wa vanana va ka Perezi, mthangeli wa votshe vathangeli va mabutho a tiyimbi, ka mtxima wo khata.