1 Makronika 26:26 - Bhiblia Yo Sawuleka

²⁶ Se Selomite ni vanawe va ti ti ni mthumo wo xayisa totshe tithomba ta siya so sawuleka sile mfumeli Dhavhidha, ni vathangeli va vatate, vathangeli va magumi a mazana, ni va mazana, ni vathangeli va mabutho a yimbi, va nga ti si sawulekisile;

1 Makronika 26:26 Referans Kwoze

2 Samuwele 8:11

sile mfumeli Dhavhidha nene a nga si ningela ka Mkoma kumweko ni silivhela ni nzalama a nga ti si ningete so ta ngu ka otshe matiko ale a nga ma xula:

1 Makronika 22:14

Wona taku, ha kuxuphekani kwangu, ni lulamisete sa Nyumba ya Mkoma, 100.000 wa titalenta ta nzalama ni 1.000.000 wa titalenta ta silivhela ni ta koporo, ni ta txikete ta kwa mbi balwa, nguko nza singi; kumweko ni mapulango ni marigwi, se awe, lava si si kelelako.

1 Makronika 18:11

atile Dhavhidha a nga ti ningela ka Mkoma kumweko ni nzalama, ni silivhela, yile a nga yi honyola ka mamwani matiko: ka va ka Edhomi, ni Vamowabhi, ni ka vanana va ka Amoni, ni ka Vafilista, ni ka va Amaleki.

1 Makronika 26:25

se vanawe ngu didhawa da Eliyezeri ngu vava: Reyabhiya mwanakwe, ni Isaya mwanakwe, ni Joramu mwanakwe, ni Zikiri mwanakwe, ni Selomite mwanakwe.

1 Makronika 26:27

ka sile si nga handwa yimbini, va to si sawulekisa, kasi kululamisa ngu sona Nyumba ya Mkoma,

1 Makronika 9:14

Se ka Valevhi: I Semaya, mwana Hasubhe, mwana Azirikami, mwana Hasabhiya, wa vanana va Merari;

1 Makronika 28:21

Se wona, taku u ni mitxawa ya vaphaxeli ni ya Valevhi, kuva ve maha wotshe mthumo wa Nyumba ya Txizimu; kambe u ni vathu vo ti ningetetela, va zivako kumaha yotshe mithumo ya tixaka totshe, votshe vathangeli ni votshe vathu vaho, kasi kumaha totshe ti u no va ruma.

2 Makronika 23:8

Se Valevhi ni votshe va ka Judha va to maha madingano ni totshe ti a nga leletisa tona mphaxeli Joyadha; mmweyo ni mmweyo a to teka vathu vakwe, avale va nga txi wulela kumweko ni vale va nga txi huma ngu Sabbata; nguko mphaxeli Joyadha a sa tshumeta mitxawa.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

Ezra 2:42

Vanana va vaxayisi va matimba: Mbanana va Salumi, vanana va Ateri, vanana va Talmomi, vanana va Akubhe, vanana va Hatita ni va Sobhayi.

Nehemiya 12:45

Se va to thumela Txizimu txawe ni kumaha mithumo ya kubasisa vathu; va ti thuma kufana ni vaembeleli, ni vawoneleli va sike, madingano ni kuruma ka Dhavhidha ni ka mwanana wakwe Solomoni.