1 Makronika 26:13 - Bhiblia Yo Sawuleka

¹³ Se va to xaxuva tixolo, madingano ni tinyumba ta vatate vawe, vavadotho ni vahombe ngu txike tximwetxo ni tximwani.

1 Makronika 26:13 Referans Kwoze

1 Makronika 25:8

Se va to xaxuva tixolo madingano ni vawoneleli, ngu kufana, ka vadotho ni vahombe, vo ziva mthumo, ni vagondiswa.

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

1 Makronika 24:5

Se va to abaniselwa ngu kuxaxuva tixolo, mmweyo ka vamwani; nguko ku ti ni vathangeli va wukhalo vo sawuleka, ni vathangeli va Nyumbani ka Txizimu, hagari ka vanana va Eleyazari ni hagari ka vanana va Itamari.

1 Makronika 26:12

Ngu ka vava ku to mahwa mitxawa ya vawoneleli va sike, hagari ka vathangeli va vavamna vale vo wonelela, kumweko ni vanawe, kasi kuthuma Nyumbani ka Mkoma.

1 Makronika 26:14

Se xolo ya wutxani yi to sawula Selemiya; ku to xaxuvwa tixolo ngu mwanana wakwe Zakariya, didhota do lulama, xolo yi mkomba didhawa da wuphemba.