1 Makronika 25:8 - Bhiblia Yo Sawuleka

⁸ Se va to xaxuva tixolo madingano ni vawoneleli, ngu kufana, ka vadotho ni vahombe, vo ziva mthumo, ni vagondiswa.

1 Makronika 25:8 Referans Kwoze

1 Makronika 26:13

Se va to xaxuva tixolo, madingano ni tinyumba ta vatate vawe, vavadotho ni vahombe ngu txike tximwetxo ni tximwani.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Mithumo 1:26

Konako va to xaxuva tixolo, se dikato di wela Matiyasi se kukhukhela konaho a to patwa kumweko ni vapostoli va digumi ni mmweyo.

Nehemiya 12:24

Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

2 Makronika 23:13

Se a to wona mfumeli a di emile hafuhi ni phande, ha txikeni, vathangeli ni mipundu va di hafuhi ni mfumeli; vathu votshe va ditiko va ti tsakile, va txi veta mipundu, vaembeleli ni vona va txi veta timbila, na va txi embelela tindando ta kubonga; sekoko Ataliya a to vharula syambalo sakwe e dila, a txi khene: Kuxengwoo! Kuxengwoo!

1 Makronika 26:16

Supimi ni Hosa va to sawulwa kuva didhawa da mswa-ditambo, ni ka txike txa Saleketi, hafuhi ni nzila ya mmangoni; muwoneleli masoni ka mmwani muwoneleli.

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

1 Makronika 24:5

Se va to abaniselwa ngu kuxaxuva tixolo, mmweyo ka vamwani; nguko ku ti ni vathangeli va wukhalo vo sawuleka, ni vathangeli va Nyumbani ka Txizimu, hagari ka vanana va Eleyazari ni hagari ka vanana va Itamari.

1 Makronika 15:22

Se Kenaniya, mthangeli wa Valevhi, a ti ni mthumo wo thulela tindando; a ti vagondisa kuthulela, nguko a ti ti tiziva kha kwati.

Levhi 16:8

Se Aroni a na xaxuva tixolo ngu vamabhongwe vambidi, kasi kuziva wu a lumbako Mkoma ni wu a lumbako Azazeli.

1 Makronika 25:9

Se xolo yo khata yi to ñola va ka Asafe, i ku Josefa; ya wumbidi yi to ñola Gedhaliya; i ti ti ene, ni vanawe, ni vanana vakwe, votshe digumi ni vambidi;

1 Makronika 25:2

ka vanana va Asafe, i Zakuri, ni Josefa, ni Netaniya, ni Asarela, vanana va Asafe, va ti thangelwa ngu Asafe wule a nga ti profeta ngu kuleletela ka mfumeli Dhavhidha;