1 Makronika 25:5 - Bhiblia Yo Sawuleka

⁵ Votshe vava i ti ti vanana va Hemani, m'huti wa mfumeli, ka mapswi a Txizimu, kasi ku a txi guleta mpundu. Txizimu txi to ninga Hemani digumi da vanana ni mune va vafana, ni vanana vararu vamahorana.

1 Makronika 25:5 Referans Kwoze

1 Makronika 21:9

A to womba koko Mkoma ka Gadhi, m'huti wa Dhavhidha, a txi khene:

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

2 Samuwele 24:11

A di wukile koko Dhavhidha ni mixo, dipswi da Mkoma di to ta ka mprofeti Gadhi, m'huti wa Dhavhidha di txi ta kha dona:

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

1 Makronika 25:4

ka vanana va Hemani, i Bhukiya, ni Mataniya, ni Uziyeli, ni Sebhuweli, ni Jerimoti, ni Hananiya, ni Hanani, ni Eliyata, ni Gidhalita, ni Romaniti-Ezeri, ni Josibhekasa, ni Maloti, ni Hotiri, ni Mahaziyoti.

2 Makronika 35:15

Se vaembeleli, vanana va Asafe, va ti ti ha wukhaloni kwawe madingano ni kuruma ka Dhavhidha ni Asafe, ni Hemani ni Jedhutumi, m'huti wa mfumeli, ni vawoneleli va sike kha va khukha ha makhaloni kwawe, nguko vanawe va ka Levhi va va longisete sakudya sawe.