1 Makronika 25:1 - Bhiblia Yo Sawuleka

¹ Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

1 Makronika 25:1 Referans Kwoze

1 Makronika 6:33

Avava koko, ngu va va nga ti ti kumweko ni vanana vawe; ka vanana va ka Kohati, Hemani, muembeleli, mwana Joweli, mwana Samuwele,

2 Vafumeli 3:15

Inaka, hi nga ni tiselani m'veti wa ngoma. Ku to maheka a ti to mbimo yile muembeleli a nga txi veta txitende, kutile kwakwe dianza da Mkoma.

1 Samuwele 10:5

Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

1 Makronika 6:39

Se Asafe mwanawe a ti ti ngu didhawa da txinene; Asafe i ti mwana Bherekiya, mwana Simeya,

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

2 Makronika 34:12

Va vamna vava va thumile ngu kuthembeka; Vathangeli vawe i ti Jahati ni Obhadhiya, Valevhi va vanana va Merari, ni Zakariya ni Mesulami va vanana va Kohate kasi kuve yisa masoni mthumo wo aka. Ni vamwani Valevhi votshe ava va zivako kuveta sivetaveta.

2 Makronika 23:13

Se a to wona mfumeli a di emile hafuhi ni phande, ha txikeni, vathangeli ni mipundu va di hafuhi ni mfumeli; vathu votshe va ditiko va ti tsakile, va txi veta mipundu, vaembeleli ni vona va txi veta timbila, na va txi embelela tindando ta kubonga; sekoko Ataliya a to vharula syambalo sakwe e dila, a txi khene: Kuxengwoo! Kuxengwoo!

1 Makronika 25:3

ka vanana va Jedhutumi, i Gedhaliya, ni Zeri, ni Jesaya, ni Simeyi, ni Hasabhiya, ni Matitiya, mtxhanu ni mmweyo, va ti thangelwa ngu tate wawe, Judhutumi, wule a nga ti profeta e dhumisa ni kubonga Mkoma, ngu kuveta txitende;

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.

Nehemiya 12:24

Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

2 Makronika 23:9

Mphaxeli Joyadha a to ninga vathangeli va mazana matxhari ni sivhikelo si i nga ti sa mfumeli Dhavhidha, sile si nga ti Nyumbani ka Txizimu.

2 Makronika 23:1

Aniko ka dilembe da wutxhanu ni mambidi, Joyadha a to tsana, e maha txitumelelano ni vathangeli va mazana: Azariya, mwana Jerowami, ni Isumayeli mwana Jowanani, ni Azariya mwana Obhedhi, ni Mahaseya mwana Adhaya, ni Elisafati mwana Zikiri.

1 Makronika 23:2

Se a to sengeleta votshe vathangeli va ka Israyeli, kumweko ni vaphaxeli ni Valevhi.

1 Makronika 12:28

Zadhoki, i di ngadi mfana, i ti wamwamna wa mtamo, ka mwaya wa tate wakwe, a to tisa magumi mambidi a vathangeli ni vambidi.

1 Makronika 6:44

Se vanawe, vanana va Merari, va ti ti emile ngu didhawa da txibhabha, i ku vava: Etani, mwana Kisi, mwana Abhidhi, mwana Maluke,

1 Makronika 9:33

Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

1 Makronika 25:2

ka vanana va Asafe, i Zakuri, ni Josefa, ni Netaniya, ni Asarela, vanana va Asafe, va ti thangelwa ngu Asafe wule a nga ti profeta ngu kuleletela ka mfumeli Dhavhidha;

2 Makronika 5:12

ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Makronika 23:18

Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.

2 Makronika 35:15

Se vaembeleli, vanana va Asafe, va ti ti ha wukhaloni kwawe madingano ni kuruma ka Dhavhidha ni Asafe, ni Hemani ni Jedhutumi, m'huti wa mfumeli, ni vawoneleli va sike kha va khukha ha makhaloni kwawe, nguko vanawe va ka Levhi va va longisete sakudya sawe.

Ezekhiyele 40:44

Ngu hahanze ka ditimba da mndani ka kona, ku ti ti ni tinyumba ta vaembeleli, ka mtendela wa mndani, wu nga ti ti ngu didhawa ka txike txa wulambwe, ngu kurendekela nzila ya wuphemba.

1 Vafumeli 10:12

Se ngu mapulango eyo a almuge, mfumeli a to maha ngu ona sihiketo sa Nyumba ya Mkoma, ni ya nyumba ya mfumeli, kumweko ni tiharipa ni misengele ya vaembeleli; kha kuzivi kuta mapulango ongeyo ngu sandalo, kha ma zivi ka nga wonwa kala ka ditshiku da nyamsi.

1 Makronika 6:16

Vanana va Levhi ngu vava: Gerisoni, Kohati, ni Merari.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

1 Makronika 25:9

Se xolo yo khata yi to ñola va ka Asafe, i ku Josefa; ya wumbidi yi to ñola Gedhaliya; i ti ti ene, ni vanawe, ni vanana vakwe, votshe digumi ni vambidi;

2 Makronika 29:13

Vanana va ka Elisafani i Simiri ni Jeyeli; va ka Asafe i Zakariya ni Mataniya;

2 Makronika 29:14

vanana va ka Hemani i Jeyeli ni Semeyi; va ka Jedhutumi i Semaya ni Uziyeli.

Ezra 2:41

Vaembeleli: Vanana va Asafe, 128.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.

Nehemiya 11:17

se Mataniya, mwana Mika, mwana Zabhedhi, mwana Asafe, mthangeli wu a nga khata mkombelo wa kubonga, ni Bhakebhukiya, i nga ti ti wa wumbidi ka vanawe; kulondeta Abhidha, mwana Samuwa, mwana Galali, mwana Jedhutuni.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!