1 Makronika 24:5 - Bhiblia Yo Sawuleka

⁵ Se va to abaniselwa ngu kuxaxuva tixolo, mmweyo ka vamwani; nguko ku ti ni vathangeli va wukhalo vo sawuleka, ni vathangeli va Nyumbani ka Txizimu, hagari ka vanana va Eleyazari ni hagari ka vanana va Itamari.

1 Makronika 24:5 Referans Kwoze

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

Mithumo 5:24

Sekoko mthangeli wa vawoneleti va Dithepele ni vaphaxeli va hombe, ngako va txi pfa mahungu awa, va to dhuka ngu ona, va txi kha vona: “Mhaka yiya yi na gumela hani?”

Mithumo 4:6

Ku ti ni Anasi, mphaxeli wa hombe, ni Kayifasi, Johani ni Alexandre, ni votshe va lixaka la vaphaxeli va hombe.

Mithumo 4:1

Ngako Pedro ni Johani va di ngadi va txi womba-womba ni vathu, ku to bwaka vaphaxeli ni nduna ya Dithepele ni Vasadhusi;

Mithumo 1:26

Konako va to xaxuva tixolo, se dikato di wela Matiyasi se kukhukhela konaho a to patwa kumweko ni vapostoli va digumi ni mmweyo.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.

Jona 1:7

Se mmweyo ni mmweyo a ti ti khene ka mmwani: Ngonani hi ta xaxuva tixolo, kasiku hi na ziva tito, nji txani txi hi mahako hi humelelwa ngu phango yiya. Va to xaxuva tixolo, se xolo yi ya wela Jona.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Nehemiya 11:11

Seraya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, wa hombe wa Nyumbani ka Txizimu,

2 Makronika 35:8

Ni vona vathangeli va to ningela mningelo ka vathu ni ka vaphaxeli ni ka Valevhi ngu kuranda kwawe: Hilikiya, ni Zakariya, ni Jeyeli mthangeli wa Nyumbani ka Txizimu, va to ninga vaphaxeli 2.600 wa sifuyo sa sidotho ni 300 wa tihomu.

1 Makronika 9:11

ni Azariya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, mthangeli wa Nyumba ya Txizimu;

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

1 Makronika 24:4

Se va to mana taku vanana va Eleyazari mbavangi ngutu hagari ka vathangeli va mimwaya, kupinda vanana va Itamari, mbimo yile va nga abaniselwa; ka vanana va Eleyazari, va mani digumi da vathangeli ni mtxhanu ni vararu va tinyumba ta vatate, kambe ka vanana va Itamari, madingano ni tinyumba ta vatate vawe, mtxhanu ni vararu.

1 Makronika 26:13

Se va to xaxuva tixolo, madingano ni tinyumba ta vatate vawe, vavadotho ni vahombe ngu txike tximwetxo ni tximwani.

1 Makronika 25:8

Se va to xaxuva tixolo madingano ni vawoneleli, ngu kufana, ka vadotho ni vahombe, vo ziva mthumo, ni vagondiswa.

Isaya 43:28

Ngu mhaka yeto ni na nyenyezisa vahombe va wukhalo wo sawuleka, kambe ni maha ti to Jakobe e loviswa, ni Israyeli kuva e rukwa.