1 Makronika 24:1 - Bhiblia Yo Sawuleka

¹ Se mitxawa ya vanana va ka Aroni ngu yiya: vanana va Aroni i ti Nadhabhi, ni Abhiyu, ni Eleyazari, ni Itamari.

1 Makronika 24:1 Referans Kwoze

Eksodha 6:23

Aroni a tekanile ni Elixeba, mwanana wa Aminadhabhe, ndiya ya Nasoni, awu a nga veleka nayo Nadhabhi, Abhiyu, Eleyazari ni Itamari.

1 Makronika 23:6

Se Dhavhidha a to va abanisela ngu mitxawa, madingano ni vanana va ka Levhi: Gerisoni, Kowati ni Merari.

Mitengo 26:60

Se Ka Aroni ku to velekwa Nadhabhi, Abhihu, Eleyazari ni Itamari.

Mitengo 3:2

Matina a vanana va Aroni ngu awa: Nadhabhi, matiwula ngu msana ka Abhiyu, Eleyazari ni Itamari.

1 Makronika 6:3

Se vanana va Amiramu i Aroni, ni Mosi, ni Miriyamu; vanana va Aroni i Nadhabhi, ni Abhiyu, ni Eleyazari, ni Itamari.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

1 Makronika 28:13

ni txa mitxawa ya vaphaxeli, txa Valevhi, ni txa wotshe mthumo wa Nyumbani ka Mkoma, ni txa sotshe siya sa mthumo wa Nyumbani ka Mkoma.

2 Makronika 5:11

Se ku to maheka ti to va txi huma vaphxeli ngu ka wukhalo wo sawuleka, (votshe vaphaxeli va va nga ti tiho, va ti ti basisile, va siye ngu mitxawa yawe),

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Makronika 23:8

Se Valevhi ni votshe va ka Judha va to maha madingano ni totshe ti a nga leletisa tona mphaxeli Joyadha; mmweyo ni mmweyo a to teka vathu vakwe, avale va nga txi wulela kumweko ni vale va nga txi huma ngu Sabbata; nguko mphaxeli Joyadha a sa tshumeta mitxawa.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.

Mitengo 3:4

Nadhabhi ni Abhiyu va fite masoni ka Mkoma, txiwulani ka Sinayi, mbimo yi va nga ningela mphaxo masoni ka Mkoma, ngu mndilo i singako wona. Vona va si nga ni vanana, ngu mhaka yeto, Eleyazari ni Itamari, ngu vona va nga teka mthumo wa wuphaxeli masoni ka Tate wawe Aroni.

1 Makronika 6:34

mwana Elikana, mwana Jerowami, mwana Eliyeli, mwana Towa,

Ezra 7:5

mwana Abhisuwa, mwana Finiyasi, mwana Eleyazari, mwana Aroni, mphaxeli wa hombe.