1 Makronika 23:6 - Bhiblia Yo Sawuleka

⁶ Se Dhavhidha a to va abanisela ngu mitxawa, madingano ni vanana va ka Levhi: Gerisoni, Kowati ni Merari.

1 Makronika 23:6 Referans Kwoze

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

1 Makronika 6:1

Vanana va Levhi ngu vava: Gerisoni, Kowati, ni Merari.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 6:16

Vanana va Levhi ngu vava: Gerisoni, Kohati, ni Merari.

2 Makronika 35:10

Se va di gwitile kulongisela mthumo wotshe vaphaxeli va to zumba ka makhalo awe ni vona Valevhi va to zumba ngu mitxawa yawe madingano ni kuruma ka mfumeli.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

1 Makronika 26:1

Vathangeli va sike va ti ti abanisetwe ngu mitxawa. Ka va ka Kora i ti ti Meselemiya, mwana Kora, wa vanana va ka Asafe.

1 Makronika 24:1

Se mitxawa ya vanana va ka Aroni ngu yiya: vanana va Aroni i ti Nadhabhi, ni Abhiyu, ni Eleyazari, ni Itamari.

1 Makronika 23:7

Va ka Gerisoni: Ladhani ni Simeyi.

1 Makronika 28:13

ni txa mitxawa ya vaphaxeli, txa Valevhi, ni txa wotshe mthumo wa Nyumbani ka Mkoma, ni txa sotshe siya sa mthumo wa Nyumbani ka Mkoma.

2 Makronika 23:18

Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.

Mitengo 3:3

Eyo matina a vanana va Aroni, vaphaxeli va nga totwa, ava va nga emiselwa kuthuma mthumo wa wuphaxeli.

Mitengo 3:17

Ava, ngu vona vanana va Levhi ngu matina awe, Gerxoni ni Kohate ni Merari.

Mitengo 4:4

Ngu wona mthumo wa vanana va ka Kohate, amu ditendani da msengeletano; ti to ve xayisa siya so sawuleka.

2 Makronika 35:4

Tilongiseleni madingano ni tinyumba ta vatate vanu ni ngu mitxawa yanu madingano ni ti ti nga bhalwa ngu Dhavhidha, mfumeli wa Israyeli, ni mwanakwe Solomoni.