1 Makronika 23:30 - Bhiblia Yo Sawuleka

³⁰ ni ku va fanela kuema kasi kubonga, ni kudhumisa Mkoma otshe masiku, mixo ni mitshikari;

1 Makronika 23:30 Referans Kwoze

1 Makronika 9:33

Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

1 Makronika 9:27

Se ni wusiku va ti ti randela Nyumba ya Txizimu, nguko va ti ningilwe mthumo wo wonelela ni kutula matimba, masiku otshe.

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

1 Makronika 23:31

va txi ningela mningelo wa kuhiswa, ka Mkoma, ngu migivhela ni kumeka ka mtxima, ni ka mipipi, ngu mtengo wa kona, madingano ni sihena sawe, masiku otshe masoni ka Mkoma;

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.