1 Makronika 23:29 - Bhiblia Yo Sawuleka

²⁹ i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

1 Makronika 23:29 Referans Kwoze

Eksodha 25:30

Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Matewu 12:4

Ti to ene a wulelisite kutxani nyumbani ka Txizimu, e dya mapawu a mphaxo, aawa ma nga ti si faneli kudyiwa ngu ngene ni va a nga ti navo, kambe ma ti fanela kudyiwa ngu vaphaxeli vokha, kani?

Nehemiya 10:33

kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

2 Makronika 29:18

Sekoko va to wulela nyumbani ka mfumeli Ezekhiya, va txi ya kha vona kwakwe: Hi basisile yotshe Nyumba ya Mkoma ni txiluvelo txa mningelo wo hiswa ni siya sotshe ni meza ya mapawu a mphaxo, ni sotshe siya sa yona.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

1 Vafumeli 7:48

Kambe Solomoni a to mahetela sotshe siya si nga ti fanela Nyumbani ka Mkoma: Txiluvelo txa nzalama, ni meza ya nzalama, eho ku nga ti ni mapawu o mbi tshumbelwa,

Mitengo 3:50

Ka matiwula a vanana va ka Israyeli a to teka male, ya 1.365 wa maxekele, madingano ni maxekele a wukhalo wo sawuleka.

Levhi 7:9

Ngu toneto, mhamba ya sakudya so bhikelwa ha txikho, mwendo mu ka khadi mwendo mu ka dipani, si na va si txi lumba mphaxeli wu a nga maha mningelo.

1 Makronika 23:28

Nguko mthumo wawe i ti ti wa kurumwa ngu vanana va ka Aroni, ka mthumo wa Nyumba ya Mkoma, ve hiyela mitendela, ni tinyumbani, ni kusawulekisa sotshe siya so sawuleka, ni kumaha mthumo wa Nyumbani ka Txizimu,

1 Makronika 23:30

ni ku va fanela kuema kasi kubonga, ni kudhumisa Mkoma otshe masiku, mixo ni mitshikari;