1 Makronika 23:24 - Bhiblia Yo Sawuleka

²⁴ Avava ngu vona vanana va ka Levhi, madingano ni nyumba ya vatate vawe, vathangeli va vatate vawe, madingano ni ti va nga baliswa tona ngu mtengo wa matina, madingano ni vathangeli, vale va nga ti maha mthumo wa Nyumbani ka Mkoma, va tanga ya magumi mambidi a malembe ni mtxhanu ni kuya masoni.

1 Makronika 23:24 Referans Kwoze

1 Makronika 23:3

Se ku to balwa Valevhi va magumi mararu a malembe ni kuya masoni; mtengo wawe madingano ni vathangeli va kona, i ti 38.000 wa vavamna.

Mitengo 10:21

Sekoko va ka Kohati va to khukha, va di rwate nyumba yo sawuleka; se vamwani va to gula nyumba, vona va txi ngadi va txita.

Mitengo 10:17

Sekoko nyumba yi to tshungunulwa, se vanana va ka Gerisoni ni vanana va ka Merari, ve kukha va ti rwate nyumba.

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

Mitengo 8:24

Sekoko, milayo ya Valevhi ngu yiya: Ava va magumi mambidi ni mtxhanu wa malembe ni kuya masoni, va na wulela mthumoni ka ditenda da msengeletano;

1 Makronika 23:27

Nguko madingano ni mapswi o gwitisa a Dhavhidha, ku to balwa vanana va ka Levhi va magumi mambidi a malembe ni kuya masoni.

Mitengo 3:47

U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele .

Mitengo 3:20

Vanana va Merari ngu mimwaya yawe: Mahili ni Muxi. Asiya ngu sona sike sa Valevhi ni tinyumba ta vatate vawe.

Mitengo 3:15

Bala vanana va Valevhi, ngu mimwaya ya vatate vawe, ni tihunzu tawe, u na bala vavamna votshe kukhukhela ka wu wa mtxima wumwewo ni kuya masoni.

Mitengo 2:32

Kupata votshe vanana va ka Israyeli, ava va nga balelwa ngu tinyumba tawe ni mabutho awe a tiyimbi, mba mtengo wa 603.550.

Mitengo 1:22

Mbimo yi ku nga bhalelwa vanana va Simiyoni, ngu tiveleko tawe, ni mimwayaya, madingano ni tinyumba ta vatate vawe, va bhatwe mmweyo ni mmweyo, ngu matina a votshe vavamna va magumi mambidi a malembe kuya masoni, avale va dinganako kuya yimbini.

Mitengo 1:18

Ngu mtxima wa wumbidi, va to ramba wotshe msengeletano ngu ditshiku do khata, se va to, madingano ngu ni tiveleko tawe, ngu mimwaya yawe, ni tinyumba ta vatate vawe, ngu mtengo wa matina a va kukhukhela magumi mambidi a malembe kuya masoni, ngu mmweyo ni mmweyo.

Mitengo 4:23

U na bala votshe vathu kukhukhela tanga ya magumi mararu kala mtxhanu wa magumi a malembe, ka vale va ku ni fanelo kuwulela va txi thuma mthumo wa ditenda da msengeletano.

1 Makronika 23:23

Vanana va Musi ngu vava: Mali, Edheri ni Jerimoti, mbararu.

2 Makronika 31:17

Ni va va nga maha bhalela ya kubalwa ngu tihunzu ta vaphaxeli, madingano ni tinyumba ta vatate vawe, ni Valevhi, va tanga ya magumi mambidi a malembe kuya masoni, madingano ni mitxawa yawe.

Mitengo 18:5

Mi na xayisa siya sa wukhalo wo sawuleka, ni mthumo wa txiluvelo, kasi ku si maneki kambe txiviti txo wukela vanana va ka Israyeli.

Nehemiya 7:1

Ku to maheka kambe tito, msana ka kuva diguma di di akilwe, ani ni to guleta matimba; se kuvekwa vaxayisi va matimba, ni vaembeleli, ni Valevhi.