1 Makronika 22:5 - Bhiblia Yo Sawuleka

⁵ Nguko Dhavhidha a ti ti khene: Mwanana wangu Solomoni i ngadi mfana, na kona kha se ziva txilo, se nyumba yi yi no akelwa Mkoma nja hombe ngutu, nja ditina ni wudhumo ka otshe matiko; konkuwa koko, ani ni na lulamisela so aka ngu sona. Ngu kumaha keto, Dhavhidha a to lulamisela simaha sasingi so aka ngu sona, a sanzi kufa.

1 Makronika 22:5 Referans Kwoze

1 Makronika 29:1

Dhavhidha a to womba kambe ka wotshe msengeletano a txi khene: Mwanana wangu Solomoni, ngene ekha a nga sawulwa ngu Txizimu, i ngadi mfana, kha se va ni mtamo, na kona mthumo wuwa mbwa hombe; nguko nyumba hi nga ya m'thu kambe nja Mkoma Txizimu.

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 3:30

Ene a fanete kukula, ani ni txi va hahatshi.”

Johani 9:4

Ta laveka ti taku ani ni maha mithumo ya wule a nga ni ruma, na i di ngadi mitshikari; wusiku wata, ahawa m'thu asi sikotiko kuthuma txilo.

Luka 21:5

Ngako vamwani vokari va nga txi womba-womba ngu Dithepele, ti to di tshurisetwe ngu marigwi o tshura ni miningelo ya sithembiso, Jesu a to angula a txi khene:

Hagayi 2:9

Wudhumo wa nyumba yi yo gwitisa, wu na va wa hombe kupinda wa yile yo khata, kuwomba Mkoma wa Mabutho a Tiyimbi, kambe ka wukhalo wuwa ni na ninga kudikha, kuwomba Mkoma wa Mabutho a Tiyimbi.

Hagayi 2:3

I mani a kuho hagari kwanu, waku a nga huluka, a nga wona nyumba yiya ka wudhumo wa yona wo khata kani? Se konkuwa mi yi wonisa kutxani kani? Ina ayiya kha yi maneki i si nga ya txilo masoni kwanu, ngako yi txi fananiswa ni yile yo khata kani?

Ezekhiyele 7:20

Va ti kulisile ngu ku ti bombisa ngu silivhela ni nzalama; kambe va mahile ngu sona sifananiso sa manyala awe sa kwa mbi tumeleka; ngu toneto, ni si mahile si maneka i di nzambwa.

Isaya 64:11

Nyumba yathu yo sawuleka ni wudhumo, yile vatate vathu va nga txi kudhumisa ka yona, yi hisilwe; ni sotshe simaha sathu so dhundeka ngutu si xasetwe.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Ezra 3:12

Sekoko wungi wa vaphaxeli ni Valevhi, ni vathangeli va vatate, sikosana, va nga wona nyumba yo khata kuakwa ka yona, ve yi wona masoni kwawe nyumba yiya, va to dila ngu mapswi o guleka; aniko votala va to guleta mapswi awe ngu kutsaka ni kunengela.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

2 Makronika 7:21

Se nyumba yiya yi nga guletwa ngutu, ni mmhi wu a no pinda ngu hawa, a na xamala, a txi khene: Ngu kutxani Mkoma e maha to nga tiya ka ditiko diya ni ka vathu vava kani?

2 Makronika 2:5

Se nyumba yi ni ku na yi aka yi na va ya hombe, nguko Txizimu txathu nja hombe kupinda sizimu sotshe.

1 Vafumeli 9:8

Se nyumba yiya yo guletwa ngutu, ni wuhi wu a no pinda ngu hawa, a na xamala, ni kuveta mloti, a na khene: Kasi Mkoma a mahisa tiya ka diya ditiko ni ka yiya nyumba ngu txani kani?

Mavingu 4:3

Nguko ani ni ti ti mwanana wa tate wangu, tximwananana tximwetxo txo randeka, ka mwamwangu.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 2:8

Ni rumele kambe mapulango a mikedhari, mafaya, ni algumini a Libhanoni; nguko na tiziva ta ku sithumi sako sa tiziva kuwila mapulango ani Libhanoni; se sithumi sangu si na va ni sithumi sako,