1 Makronika 22:2 - Bhiblia Yo Sawuleka

² Se Dhavhidha a to leleta taku, votshe valuveli vale va nga ti ditikoni ka ka Israyeli, ve sengeletana; e leleta kambe ni vavati va marigwi taku ve vata marigwi o aka ngu ona Nyumba ya Txizimu.

1 Makronika 22:2 Referans Kwoze

2 Makronika 2:17

Se Solomoni a to bala votshe vavamna va kuta ngu ka matiko mamwani va nga ti ti ho ka ditiko da Israyeli, madingano ni mtengo wu u nga ti ti batwe ngu Dhavhidha, tate wakwe, se ku manekile 153.600.

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

1 Makronika 14:1

Sekoko Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vaaki va tinyumba, ni vavati, kasi ku ta muakela nyumba.

2 Vafumeli 22:6

Ka vavati, vaaki, vo aka ngu marigwi, kasi ve xava mapulango ni marigwi o vatwa, ve lulamisa nyumba.

2 Vafumeli 12:12

ni vale vo aka ngu marigwi, ni vakeli va maphala a makhato a kuaka, kambe va txi xava mapulango ni marigwi, o lulamisela ngu ona amule ku nga onhekela ka Nyumba ya Mkoma, ni ka totshe ti ti nga txi laveka ka nyumba.

1 Vafumeli 6:7

Kambe nyumba yi to akwa ngu marigwi awa ma nga longiselwa, ma ti ti thumisiswa tonati ma nga nehiswa tona, hamela, mwendo ditxhapu, hambi txo kari tximwani txa txikete, txi ti si pfali mbimo ya kuakwa ka nyumba.

2 Samuwele 5:11

Se Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vavati, ni vaaki va tinyumba, va nga ta akela nyumba Dhavhidha.

1 Makronika 29:1

Dhavhidha a to womba kambe ka wotshe msengeletano a txi khene: Mwanana wangu Solomoni, ngene ekha a nga sawulwa ngu Txizimu, i ngadi mfana, kha se va ni mtamo, na kona mthumo wuwa mbwa hombe; nguko nyumba hi nga ya m'thu kambe nja Mkoma Txizimu.

2 Makronika 2:16

Se athu hi na wila mapulango amangi ani Libhanoni, hi ma wuyisa ngu mambale, ngu linene ani Jope, se awe u na ma teka u ma yisa Jerusalema.