1 Makronika 22:19 - Bhiblia Yo Sawuleka

¹⁹ Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

1 Makronika 22:19 Referans Kwoze

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

1 Makronika 16:11

Lavani Mkoma ni mtamo wakwe; lavani khohe yakwe yotshe mbimo.

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

1 Makronika 22:7

Se Dhavhidha a to khene ka Solomoni: Mwanangu, ni ti ni makungo o akela nyumba ditina da Mkoma, Txizimu txangu.

2 Makronika 5:7

Se vaphaxeli va to tisa dibhokiso da txitumelelano txa Mkoma ka wukhalo wa dona wo sawuleka, Nyumbani ko Sawuleka ngutu, kala hahatshi ka tibhapi ta makerubhima.

1 Vafumeli 8:6

Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

1 Vafumeli 8:21

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vatate vathu, mbimo yile a nga va thavisa ditikoni ka Egipta.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

2 Makronika 6:11

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vanana va ka Israyeli.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

1 Vafumeli 5:3

Kha ditshuri wa tiziva ti taku tate wangu Dhavhidha kha sikota kuakela nyumba ditina da Mkoma, Txizimu txakwe, ngu mhaka ya kurandelwa ngu tiyimbi, kuza kuhoka aha Mkoma a nga va veka hahatshi ka mikondo yakwe.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

1 Makronika 22:16

Ka nzalama, ni silivhela, ni koporo, ni txikete, kha si na mtengo; khukha koko, u maha mthumo, se Mkoma a nave ni nawe.

Masalmo 14:2

Mkoma a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

Jeremiya 29:13

Mi na ni lava, mi na ni mana ngako mi txi ni lava ngu mbilu yanu yotshe.

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

1 Makronika 16:10

Ti guleteni ka ditina dakwe do sawuleka; Ti na tsake timbilu ta va va lavako Mkoma.

Masalmo 119:2

Va katekile avale va xayisako sileleto sakwe, va mlavako ngu yotshe mbilu,

Hagayi 1:8

Kwelani mmangoni mi txi ya teka mapulango, mi ta aka nyumba; se ni na tsaka ngu yona, kambe ni na dhumiswa, kuwomba Mkoma.