1 Makronika 22:18 - Bhiblia Yo Sawuleka

¹⁸ Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

1 Makronika 22:18 Referans Kwoze

1 Makronika 23:25

Nguko Dhavhidha a ti khene: Mkoma Txizimu txa Israyeli, a ningile kuhumula ka vathu, aniko a na zumba Jerusalema ngu ha ku si gwitiko.

1 Makronika 22:9

Wona taku, mwanana wule a no velekwa, a na va wamwamna wo thutha; nguko ni na mninga kudikha ka votshe valala vakwe ka madhawa otshe; ngu kumaha keto, ditina dakwe i nava Solomoni, se kudikha ni kuhumula ni na ninga Israyeli ka otshe masiku akwe.

2 Samuwele 7:1

Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe,

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

1 Samuwele 25:28

Divalela koko, txithumi txako txa txisikati ka mnandu wuwa, nguko ngu ditshuri Mkoma a na tsanisa nyumba ya nyamne wangu, nguko nyamne wangu a lwa tiyimbi ta Mkoma, kambe kha ku khali kumaneka wubihi kwako ka otshe masiku ako.

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.