1 Makronika 22:15 - Bhiblia Yo Sawuleka

¹⁵ Kambe u ni dibutho da vathu va va zivako mthumo, ni vaaki, ni vavati va marigwi, ni vavati va mapulango, ni vamwani votala va zivako mthumo wotshe wo aka.

1 Makronika 22:15 Referans Kwoze

1 Vafumeli 7:14

Awuwa i ti ti mwanana wa wamsikati wa noni, wa lihunzu la ka Naftali, tate wakwe i ti ti wa Tiro i nga ti ti txhari ya koporo; i ti ti tate ngu wuzivi, ni mapimo, ni wutxhari wo maha yotshe mithumo ya koporo; ene a tile ka mfumeli Solomoni e ta maha yotshe mithumo yakwe.

Eksodha 35:35

a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

Eksodha 35:32

a mningile mapimo a kutumbula mithumo, ni kumaha mithumo ya nzalama, ni ya silivhela, ni ya koporo;

Eksodha 28:6

Va na maha efodhe ngu nzalama, ngu nguwo ya mkungu nguwo ya txiwunguwungu nguwo yo bhilivila ni nguwo yo tshuriselwa ngu kurungelwa.

2 Samuwele 5:11

Se Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vavati, ni vaaki va tinyumba, va nga ta akela nyumba Dhavhidha.

1 Makronika 22:14

Wona taku, ha kuxuphekani kwangu, ni lulamisete sa Nyumba ya Mkoma, 100.000 wa titalenta ta nzalama ni 1.000.000 wa titalenta ta silivhela ni ta koporo, ni ta txikete ta kwa mbi balwa, nguko nza singi; kumweko ni mapulango ni marigwi, se awe, lava si si kelelako.

1 Makronika 22:16

Ka nzalama, ni silivhela, ni koporo, ni txikete, kha si na mtengo; khukha koko, u maha mthumo, se Mkoma a nave ni nawe.

2 Makronika 2:7

Ni rumele koko konkuwa m'thu wa wuzivi kuva a txi na thuma ngu nzalama, ni silivhela, ni msuku, ni tisimbi, ni purpura ni karmezimi, ni ya lixaka la nzumani, ni m'thu wo ziva kuvata marigwi, va ku na thuma kumweko ni sizivi si si ku ni nani ani Judha ni Jerusalema, asi si nga vekiswa ngu Dhavhidha tate wangu.

2 Makronika 2:6

Kambe i mani a nga vako ni mtamo waku muakela nyumba, nguko hambi nzuma kala ka nzuma ya tinzuma kha eneli ka tona kani? Niku ni mani ani, wo ni nga muakela nyumba, yo hisela ka yona dibaselo masoni kwakwe kani?