1 Makronika 22:13 - Bhiblia Yo Sawuleka

¹³ Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

1 Makronika 22:13 Referans Kwoze

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

1 Makronika 28:7

Se ni na tsanisa mfumo wakwe kala kupinduka, ngako a txi xayisa ni kulondeta milayo yangu, ni sileleto sangu, nga ti a nga mahisa tona kala ka ditshiku da nyamsi.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

1 Vafumeli 2:3

Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.

Masalmo 119:6

Sekoko kha ni na mbi wa tinganani, ngako ni txi vekisa sirumo sako.

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Joxuwa 1:18

Ni wihi m'thu wu a no kaneta sileleto sako, asi engisi mapswi ako ka totshe ti u no mruma, a na dawa; aniko tsana dwe, uva ni mtamo.

2 Makronika 32:7

Mahani mtamo mi tsana; mi nga thaveni txilo hambi kuwika msana ngu mhaka ya mfumeli wa Asiriya ni vathu votshe ava aku navo, nguko ava hi ku navo mbavangi kupinda ava a ku navo.

Masalmo 72:1

Txizimu, ninga mfumeli wa ditiko kululama kwako ni wunene wako ka mwanana wa mfumeli,

Hagayi 2:4

Se konkuwa, tsanisela awe Zorobhabheli, kuwomba Mkoma, tsanisela awe Joxuwa, mwana Jozadhake, mphaxeli wa hombe, tsaniselani motshenu anu vathu va ha mafuni, kuwomba Mkoma, aniko thumani, nguko ani ni na ni nanu, kuwomba Mkoma wa Mabutho a Tiyimbi,

Zakariya 8:9

A womba tiya Mkoma wa Mabutho a Tiyimbi: Ma na ti karate manza anu motshenu, mi nga engisa masikwanano mapswi awa a vaprofeti, vale va nga ti tiho, ka ditshiku dile ku nga vekwa makhato a Nyumba ya Mkoma wa Mabutho a Tiyimbi, kasi ku dithepele di mana kuakwa.

1 Vafumeli 2:2

“Ani na tsula ngu nzila ya votshe ha mafuni; tsana, u maha wamwamna.”

2 Makronika 14:6

Se a to aka madhoropa o tsana ditikoni ka Judha, nguko ditiko di ti ti thuthile, ku si na tiyimbi ka malembe ale, nguko Mkoma amu ningile kuhumula.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.