1 Makronika 22:12 - Bhiblia Yo Sawuleka

¹² Mkoma a na ku ninge wutxhari ni wuzivi dwe, a na ku gondise madingano ni Israyeli; kasi kuxayisa Mlayo wa Mkoma, Txizimu txako.

1 Makronika 22:12 Referans Kwoze

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

1 Johani 2:3

Hi komba ti to ha m'ziva Tate, ngako hi txi veketa milayo yakwe.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Masalmo 72:1

Txizimu, ninga mfumeli wa ditiko kululama kwako ni wunene wako ka mwanana wa mfumeli,

Dhewuteronome 4:6

Yi xayiseni mi txi yi maha milayo yiya, nguko ewo wu na va i di wona wuzivi wanu ni mapimo anu, kuwonani ka vathu votshe. Ngako va txi engisa yotshe milayo yiya, vona va na womba va txi kha vona: “Adiya ditiko da hombe da vathu va kuziva ni kupima!”

1 Vafumeli 2:3

Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.