1 Makronika 22:10 - Bhiblia Yo Sawuleka

¹⁰ Awuwa, a na akela nyumba ditina dangu; ene a na va mwanana wangu, se ani ni na va tate wakwe; kambe ni na tsanisa txikhalo txa wukoma wakwe txitimwi ka Israyeli, kala kupinduka.

1 Makronika 22:10 Referans Kwoze

Vahebheru 1:5

Nguko, ngu ka yihi ngelozi Txizimu txi nga womba txi txi kha txona: “Awe u Mwanana wangu, ni ku velekile nyamsi,” kani? Na kambe txi txi kha txona: “Ani ni na va ni di Tate wakwe, ene a na va Mwanana wangu,” kani?

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 89:26

Ene a na ni dhana, a txi khene: “Awe u tate wangu, u Txizimu txangu, txi txi ni hanyisako ni ku ni vhikela.”

1 Vafumeli 5:5

Se ani ni lava kuduketa kuakela nyumba ditina da Mkoma, Txizimu txangu, nga ti Mkoma a nga wombisa tona ka Dhavhidha, tate wangu, a txi khene: Mwanana wako, awu ni no m'veka ha wukhaloni kwako ka wukoma, eyo a na akela nyumba ditina dangu.

1 Vafumeli 2:15

Msana keto, a to khene: “Wa tiziva kha kwati taku wukoma mbwangu. Ni votshe Vaisrayeli va txi verela ani, kuva ni txi na fuma, hambiko wukoma wu nga thaviswa wu txi ningwa mwanathu, nguko wu mahilwe wakwe ngu Mkoma.”

1 Vafumeli 2:24

Konkuwa, Mkoma a hanyako, awu a nga ni tsanisa e ni khalahatshisa ha txikhaloni ka wukoma ka Dhavhidha, tate wangu, awu a nga ni akela nyumba, nga ha a nga ti wombile; nyamsi, a na fa Adhoniya.”

1 Vafumeli 8:15

A txi khene: A na dhumiswe Mkoma, Txizimu txa ka Israyeli, a nga womba ngu txisofu txakwe ka tate wangu Dhavhidha, ni kumaha ngu dianza dakwe a txi khene:

1 Vafumeli 9:5

ngu kona koko, ni no tsanisa txitulu txako txa wukoma txitimwi ka Israyeli ngu ha ku si gwitiko, nga ha ni nga womba ka tate wako Dhavhidha ni txi khani: Khu na mbi pwata dijaha txitimwi ka txitulu txa wukoma wa Israyeli.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

2 Makronika 6:15

U nga maha ni txithumi txako, i ku tate wangu Dhavhidaha, a ti u nga m'gela; nguko ngu txisofu txako u wombile, ngu diwoko dako u mahile, nga ha ti wonekako ka diya ditshiku.