1 Makronika 21:8 - Bhiblia Yo Sawuleka

⁸ Sekoko Dhavhidha a to khene ka Txizimu: Ni onhile ngutu ngu kumaha tiya; kambe konkuwa, ni kombela ku u thavisa kuonha ka txithumi txako, nguko ni mahile wuphukuphuku wa hombe ngutu.

1 Makronika 21:8 Referans Kwoze

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

2 Makronika 10:9

A txi khene kwawe: Mi ni gela txani anu, taku ni xamula vathu vava, va nga womba kwangu, va txi kha vona: Ina u na hehukisa mrwalo wule tate wako a nga hi khoneka, kani?

2 Samuwele 24:10

Se msana kova va di batwe vathu, mbilu ya Dhavhidha yi to panda, kambe Dhavhidha a to khene ka Mkoma: Ni onhile ngutu ngu ti ni nga maha, kambe konkuwa, awe Mkoma, ni kombela ku u thavisa kuonha ka txithumi txako, nguko ni mahile wuphukuphuku wa hombe.

2 Samuwele 13:13

Nguko ni na ya hani ani ni tingana tangu kani? Se awe u na nga mmweyo wa siphukuphuku sa Israyeli. Konkuwa koko, na ku kombela ti to u gela mfumeli, nguko kha na mbi lamba ku ni tekana ni nawe.

1 Samuwele 26:21

Sekoko Sawule a to khene: Ni onhile! Wuya, mwanangu Dhavhidha! Nguko kha ni na mbi kumaha to biha, nguko nyamsi u woni lisima la wutomi wangu masoni kwako. Wona taku, ni mahile wuphukuphuku, ni onhile ngutu ta tinene.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

Genesisi 34:7

Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila.

1 Makronika 21:7

Se yotshe mhaka yiya yi to maneka yi di bihile masoni ka Txizimu, ngu kumaha keto, txi to dayela va ka Israyeli.