1 Makronika 21:30 - Bhiblia Yo Sawuleka

³⁰ Se Dhavhidha asi dingani kuya ahale, eya wotisa ka Txizimu, nguko a ti thavile ngu mhaka ya ditxhari da Ngelozi ya Mkoma.

1 Makronika 21:30 Referans Kwoze

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Jobe 23:15

Ngu mhaka yeto, na xomuleka masoni ka txona; kambe ngako ni txi wonisisa toneto, na thaviswa ngu txona.

Jobe 21:6

Nguko ni txi ti alakanya tiya, na xaniseka, se nyama yangu ya dhudhumeliswa ngu kudhukiselwa.

Jobe 13:21

Tsulisa kule ni nani dianza dako, kambe u nga ni xamalise ngu kuthisa kwako.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

1 Makronika 13:12

Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Txizimu kani?

2 Samuwele 6:9

Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Mkoma kani?

Dhewuteronome 10:12

“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako,

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Makronika 22:1

Se Dhavhidha a to khene: Ayiya yi na va Nyumba ya Mkoma Txizimu, ni txiya txi na va txiluvelo txa mphaxo wa kuhiswa, ka va ka Israyeli.