1 Makronika 21:29 - Bhiblia Yo Sawuleka

²⁹ Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Makronika 21:29 Referans Kwoze

1 Makronika 16:39

Se mphaxeli Zadhoki, ni vanawe, vaphaxeli, a to va veka masoni ka Nyumba ya Mkoma, ka wukhalo wo guleka wule wu nga ti Gibheyoni,

2 Makronika 1:3

Se Solomoni ni wotshe msengeletano wule a nga ti nawo va to tsula mmangoni ka Gibheyoni, nguko di ti ti koneyo ditenda da msengeletano wa Txizimu, dile Mosi, txithumi txa Mkoma a nga ti di gwimbile txiwulani.

2 Makronika 1:13

Ngu toneto, Solomoni a to khukha ka mmango wule wu ku Gibheyoni, masoni ka ditenda da msengeletano, e tshumelela Jerusalema; se a to fuma txitimwi ka Israyeli.

1 Makronika 21:28

A di ti woni Dhavhidha, ka mbimo yoneyo, taku Mkoma a mxamute txizendani ka Orinani, Mujebhusi, a to mmahela mphaxo koneho.

1 Makronika 21:30

Se Dhavhidha asi dingani kuya ahale, eya wotisa ka Txizimu, nguko a ti thavile ngu mhaka ya ditxhari da Ngelozi ya Mkoma.