1 Makronika 21:26 - Bhiblia Yo Sawuleka

²⁶ Sekoko Dhavhidha a to aka koneho txiluvelo txa Mkoma, e ningela ka txona miphaxo ya kuhiswa ni miningelo ya kudikha, e dhana Mkoma, awule a nga mxamula ngu mndilo wa nzumani txitimwi ka txiluvelo txa mphaxo wa kuhiswa.

1 Makronika 21:26 Referans Kwoze

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Valamuli 6:21

Ti ndi ngeto, konako, Ngelozi ya Mkoma yi to xungameta ngu tshoka ya ndonga yi nga ti ti nayo manzani, yi gwesa ngu yona nyama ni mapawu o mbi tshumbelwa. Mndilo wu to huma ngu ha ka dirigwi wu txi tura, wu txi hisa nyama ni mapawu o mbi tshumbelwa, se Ngelozi ya Mkoma yi to mwalala, yi si woneki masoni kwakwe.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

1 Vafumeli 18:38

Sekoko wu to wa mndilo ngu ka Mkoma, wu tshokomisa mningelo ni tikhuni, marigwi ni lithulu, wu tshumela wu txi danzela ni mati a mule ka msele.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

2 Makronika 7:1

Mbimo yi Solomoni a nga heta kukhongela, ku to txhika mndilo ngu nzumani u hisa mningelo wo hiswa ni miphaxo; se wudhumo wa Mkoma wu to tata nyumba.

2 Makronika 3:1

Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.

1 Vafumeli 18:24

Sekoko khongelani ka ditina da txizimu txanu, se ani ni na khongela ka ditina da Mkoma; se ku na maheka ti taku txizimu txi txi no xamula ngu mndilo, etxo txi nave txona Txizimu. Se votshe vathu va to xamula va txi kha vona: Ndinene dipswi diya.

Valamuli 13:20

Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.

1 Makronika 21:27

Se Mkoma a to ninga sileleto ka ngelozi, se yona yi beta ditxhari da yona amu ka msava.

Mitengo 16:50

Se Aroni a to tshumela a txi ya ka Mosi ha ditimbani ka ditenda da msengeletano; nguko mtungu wu ti ti gwitile.