1 Makronika 21:21 - Bhiblia Yo Sawuleka

²¹ Dhavhidha a to ta ka Orinani, se Orinani a to wona Dhavhidha, e huma ngu wuhuleloni, eya khizama masoni ka Dhavhidha e namisa khohe hahatshi.

1 Makronika 21:21 Referans Kwoze

1 Samuwele 25:23

Mbimo yile koko, Abhigayeli a nga wona Dhavhidha, a to kuluveta e txhika ngu ha ka mbongola, e nanisa khohe yakwe masoni ka Dhavhidha, e khizama.

Genesisi 50:10

Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

1 Makronika 21:20

Se a di tshemberekile Orinani, a to wona ngelozi, e sisala, ni vanana vakwe va mune; Orinani a ti ti kuhulani ka fulaho.

1 Makronika 21:22

Se Dhavhidha a to khene ka Orinani: Ni ninge wukhalo wuwa wa wuhulelo, kasi ku ni aka txiluvelo txa Mkoma kona; ni ninge ngu male ya wona, kasi ku txitsayiso txiya txi pinda txitimwi ka vathu.

Valamuli 13:20

Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.