1 Makronika 21:17 - Bhiblia Yo Sawuleka

¹⁷ Se Dhavhidha a to khene ka Txizimu: Ina hi nga ani ni nga khani va na balwe vathu kani? Kambe ngani nipune ni nga onha, ni mahile wubihi wa hombe; se tinvuta tiya ti onhile txani kani? Yowe! Awe Mkoma, Txizimu txangu, dianza dako di na wele txitimwi kwangu, ni txitimwi ka nyumba ya tate wangu, di nga tsayise vathu vako.

1 Makronika 21:17 Referans Kwoze

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Varoma 9:3

Nguko ani wutumbu ni ndi na tumela kuruketelwa ni kuhambaniswa ni Kristu, idiku eto ti ti vhuna va lixaka la ka kwathu, ava i ku vamwevo ni nani ngu kuvelekwa;

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 51:14

Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Masalmo 44:11

U hi ningete kufana ni tinvuta to yela kuya dawa; u hi hangalasile hagari ka vathu va mamwani matiko.

1 Makronika 21:8

Sekoko Dhavhidha a to khene ka Txizimu: Ni onhile ngutu ngu kumaha tiya; kambe konkuwa, ni kombela ku u thavisa kuonha ka txithumi txako, nguko ni mahile wuphukuphuku wa hombe ngutu.

1 Vafumeli 22:17

Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.

2 Samuwele 24:17

Se ngako Dhavhidha a di woni Ngelozi yile yi nga ti dayela vathu, a to womba ka Mkoma a txi khene: Wona ta ku, ngani ni nga onha, kambe ngani ni nga maha to biha; kambe tinvuta tiya ti onhile txani kani? Ngu kumaha keto, dianza dako di na wele txitimwi kwangu ni txitimwi ka nyumba ya tate wangu.

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

2 Samuwele 12:10

Konkuwa koko, kha di na mbi ngadi di huma kambe ditxhari nyumbani kwako, nguko u ni eyisile, u teka msikati wa Uriya, Muheti, kuva e maha msikati wako.

2 Samuwele 7:8

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli.

Joxuwa 22:18

Se nyamsi ma tshuralela Mkoma, ati ti kombako to akuwa nyamsi mi wukelako Mkoma, mangwana dikhulo dakwe di na vhutuka di txi wukela wotshe msengeletano wa ka Israyeli.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Genesisi 44:33

Konkuwa, ani txithumi txako ni kombela ti to ni txi zumba ni di khumbi yako, mthangeli, ha wukhaloni ka mfana wuwa, kasiku ene a txi tshumela a txi tsula m'tini ka tate ni vakoma vakwe.

Jona 1:12

Se Jona a to va gela a txi khene: Ni guleni, mi txi ni rinza lineneni, se linene li na zenga, nguko ani na tiziva tito, ngu mhaka yangu, mi tetwe ngu txihuhuri txiya txa hombe.