1 Makronika 21:16 - Bhiblia Yo Sawuleka

¹⁶ Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

1 Makronika 21:16 Referans Kwoze

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

2 Vafumeli 19:1

Se mbimo yile Ezekhiya a nga ti mu engisete, a to vharulela syambalo sakwe, e ti fenengeta ngu disaka, se e wulela Nyumbani ka Mkoma.

2 Vafumeli 6:17

Se Elixa a to khongela a txi khene: Mkoma, na ku kombela ti to u mtula maso kasi ku e wona. Se Mkoma a to tula maso a dijaha, di so wona. Mmango wu ti ti tate ngu mahantxhi ni sikotxikani sa mndilo, si di ranganyetile Elizewu.

Mitengo 22:31

Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Genesisi 3:24

Se Txizimu txi di tshotshile Adhamu hahanze ka thembwe ya Edheni, txi to veka makerubhima ni ditxhari do tura, di nga txi ndiwitelwa khe ni khe, kasi kutsimbisela nzila ya mndonga wa wutomi.

Valamuli 13:20

Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.

Ezekhiyele 9:8

Ku to maheka koko taku, na va di va dayete, se ni sala ani nokha, ni to wa ngu khohe, ni dila, ni txi khani: Yowe! Mkoma Txizimu! U ni mhaka yo lava kufuvisa Vaisrayeli vale va nga sala, ngu kutheketa kuhenya kwako, txitimwi ka Jerusalema kani?

Ezekhiyele 30:25

Ni na guleta mawoko a mfumeli wa Bhabhilona, aniko mawoko a Faro manawa; se va na tiziva taku ani ngani Mkoma, mbimo yi ni no veka ditxhari dangu manzani ka mfumeli wa Bhabhilona, se ene a txi di yisa txitimwi ka ditiko da Egipta.

Mitengo 22:23

Mbongola yi to wona Ngelozi ya Mkoma yi di emile hagari ka nzila, yi di ni ditxhari manzani do hinda, yi to jika yi txi hambukela thembweni. Bhalahamu a to peka mbongola kasi ku yi wuyisa hanzila.