1 Makronika 21:15 - Bhiblia Yo Sawuleka

¹⁵ Mkoma a to rumela ngelozi kuya khundumusa Jerusalema; mbimo yile yona yi nga ti khundumusa Mkoma a to ti wona, se e ti laya ngu wubihi wule; a nje khene ka ngelozi yile yi nga ti ti xasela: Tidingani! Konkuwa, thavisa dianza dako. Se Ngelozi ya Mkoma yi ti ti emile hafuhi ni txizenda txa Orinani, Mujebhusi.

1 Makronika 21:15 Referans Kwoze

Genesisi 6:6

Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Eksodha 32:14

Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Marku 14:41

A di wile kwawe da wuraru, a to va gela a txi khene: “Konkuwa otelani mi humula. Ti dingani. Se txikhati txi hokile. Mwanana wa M'thu wa ningelwa manzani ka vaonhi.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 7:12

Tsulani koko ka wukhalo wangu wu nga ti manekela Silo, aho di nga ti zumbile kona ditina dangu kukhatani, mi txi ya wona ti ni nga maha, ngu mhaka ya wubihi wa vathu vangu va ka Israyeli.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

2 Makronika 3:1

Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.

1 Vafumeli 19:4

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe Mkoma; teka koko wutomi wangu, nguko kha ni nga wamnene kupinda vatate vangu.

2 Samuwele 24:18

Se ka ditshiku donedo, Gadhi a to ta ka Dhavhidha, a txi ta khene kwakwe: Kwelela, u ya aka txiluvelo txa Mkoma txizendani ka Arawuna, Mujebhusi.

2 Samuwele 24:16

Mbimo yile Ngelozi koko yi nga guleta dianza da yona txitimwi ka Jerusalema, kasiku khundumusa, Mkoma a to tilaya ngu wubihi wule; a nje khene ka Ngelozi yile yi nga ti ti xasela hagari ka vathu: Tidingani, konkuwa thavisa dianza dako. Se Ngelozi ya Mkoma yi ti ti emile hafuhi ni txizenda txa Arawuna, Mujebhusi.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Jeremiya 26:9

Ngu kutxani awe u nga profeta ngu ditina da Mkoma, u txi khawe: Ayiya nyumba yi na nga Silo, adiya didhoropa di na nga dirumbi, ku si nga ni vo zumba kani? Votshe vathu va to tshangana ni Jeremiya Nyumbani ka Mkoma.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Genesisi 19:13

nguko hi lava kuhaxula wukhalo wuwa, huwa yi yi nga kwangula yo mangalela wukhalo wuwa masoni ka Mkoma, njahombe, se ene Mkoma a hi rumile ku ta wu fuvisa.”

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.