1 Makronika 21:14 - Bhiblia Yo Sawuleka

¹⁴ Mkoma koko, a to rumela mtungu ditikoni ka Israyeli; se ku to fa 70.000 wa vathu.

1 Makronika 21:14 Referans Kwoze

1 Makronika 27:24

Jowabhi, mwana Zeruiya, a ti ti khatile kubala, kambe kha va heta, nguko Mkoma a to henyela va ka Israyeli ngu mhakeyo; ngu kumhaka keto, mtengo kha wa vekwa amu ka dibhuku da matimu a mfumeli Dhavhidha.

2 Vafumeli 19:35

Ku to maheka ti to ka wona wusiku wule, kuhuma ngelozi ya Mkoma yi peka 185.000 wa va Asiriya dizumboni kwawe; ni mixo mbimo yile va nga wuka vale va nga huluka, va to wona sirumbi.

2 Samuwele 24:15

Sekoko Mkoma a to rumela mtungu ditikoni ka Israyeli, kukhukhela ni mixo kala mbimo yi a nga yi lava; ni ku kukhukhela Dhani kala Bherisebha, ku to fa 70.000 wa vathu.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Mitengo 25:9

Se ava va nga dawa ngu mtungu wule, i 24.000.

Eksodha 12:30

Faro a to wuka ni wusiku, ni otshe mahalamu akwe, ni ditiko dotshe da Egipta; ku to pfala tihuwa ta hombe ta txidilo Egipta kotshe, nguko ku ti si nga ho nyumbani mu ku nga ti si nga ni txirumbi.