1 Makronika 21:13 - Bhiblia Yo Sawuleka

¹³ Sekoko Dhavhidha a to khene ka Gadhi: Ni ha kuxanisekani ka hombe; ani koko, ni na wele manzani ka Mkoma, nguko wumbilu wakwe mbwa wungi ngutu, se ni nga wele ka manza a vathu.

1 Makronika 21:13 Referans Kwoze

Masalmo 130:7

Israyeli, rinzela Mkoma, nguko Mkoma ana ni wumbilu, wa hi hulukisa ka tiphango to tala.

Vahebheru 10:31

Ta thisa ngutu kuwela manzani ka Txizimu txi txi hanyako.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Isaya 46:7

Va txi pakata, ve tsula veya txi veka ka wukhalo wa txona; txi zumba kona hale, kha txi khukhi; se ngako va txi dila ka txona, kha txi na xamulo ni ya yimweyo, hambi kutxhatxhisa ni wammweyo kuxanisekani kwakwe.

Mavingu 12:10

M'thu wo lulama a khatalela wutomi wa sifuyo sakwe, aniko wumbilu wa vaonhi mbudayi.

Masalmo 130:4

Aniko awe wa ziva kudivalela, kasiku athu hiva ni txithavo.

Masalmo 106:7

Vatate vathu, mbimo yi va nga ti Egipta, kha va khatala ngu sidiwukiso sako; kha va alakanya lirando lako la hombe aniko va kuwukete, hafuhi ka linene lo Bhilivila.

Masalmo 103:8

Mkoma a tate ngu wumbilu ni wunene; wa timisela na a di tate ngu lirando.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 69:16

Ni xamule, awe Mkoma, nguko lirando lako mbunene; ni wone, ngu wumbilu wako wa hombe.

Masalmo 69:13

Aniko, ani, Mkoma, ni ta kwako ngu mkombelo; Txizimu, ni xamule, ngako u txi ti wona i di ta tinene, ni xamule, ngu lirando lako la hombe! Awe u ku m'vhuneteli wo thembeka,

Masalmo 5:7

Aniko, ani, ngu wuhombe wa lirando lako, na sikota kuwulela nyumbani kwako ni txi kukhozela amu Dithepeleni kwako ngu txithavo.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Esteri 4:11

Sotshe sithumi sa mfumeli ni votshe vathu va matiko a hombe a mfumeli, va tiziva kha kwati ti to ni wihi wamwmna mwendo wamsikati a wulelako ka mfumeli, mndani ka mtendela wa mndani, na a sa dhanwa, a veketwe mlayo wumwewo, wa kufa, hahanze ko mfumeli e m'guletela ndonga ya nzalama, kasi ku e hanya; se ani, ka masiku awa a magumi mararu, kha ni dhanwi kasi kuwulela ka mfumeli.

2 Makronika 28:9

Ku di ni wammweyo wa mprofeti wa Mkoma, ditina dakwe i ti ti Obhedhi, se mbimo yi dibutho di nga ti wuya ngu Samariya, a to huma e va hingeta a txi khene: Mkoma Txizimu txa vatate vanu, a henyete va ka Judha, a va ningela manzani kwanu, mi va daya ngu tshiku yile yi nga hoka ni nzumani.

2 Vafumeli 7:4

Hi txo khathu a hi wuleleni didhoropani, ku ni nzala didhoropani, hi na ya fa; se ngako hi txi zumba hawa, hi na fa kambe; a hi tsuleni konkuwa hi txi ya ti ningela dizumboni ka Vasiriya; va txi ya hi leka hi hanya, hi na hanya; ni ngako va txi ya hi daya, hi na fa dwe.

2 Vafumeli 6:15

Se dijaha da Elixa m'thu wa Txizimu, di to wuka ni mixo ngutu di huma, na kuve dibutho di ti ti randete didhoropa ngu mahantxhi ni sikotxikani; sekoko dijaha dakwe di to m'gela tiya: Yowe! Awe nyamne wangu! Hi na maha txani kani?

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Sidilo 3:32

Nguko hambi txi txi pfisa kupanda m'thu, txi na mpfela wusiwana madingano ni wuhombe wa wumbilu wa txona.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Masalmo 119:156

Wunene wako mbwa hombe, Mkoma; ni hanyise, madingano ni sithembiso sako.