1 Makronika 20:5 - Bhiblia Yo Sawuleka

⁵ Se ku to maneka yimbi yimwani ya Vafilista; Elana, mwana Jayiri, a to daya Lami, mwanawe wa Goliya, mugeti, wule tshoka ya mseve wakwe yi nga ti ti fana ni mtanda wa mluki.

1 Makronika 20:5 Referans Kwoze

2 Samuwele 21:19

Ku to maneka yimwani yimbi yo wukela Vafilista kona Gobhe; se Elani, mwana Jahari-Oregimi, wa Bhetlehema, a to daya Goliya, mugeti, wule tshoka ya mseve wakwe yi nga ti ti fana ni mtanda wa mluki.

1 Samuwele 22:10

awule Ayimeleki a nga mwotisela ka Mkoma, ni ku mninga sakudya, e mninga kambe ni ditxhari da Goliya, Mufilista.

1 Samuwele 21:9

Se mphaxeli a to khene: Ditxhari da Goliya, Mufilista, awule awe u nga m'daya ka mkova wa Mkusuni, ndide hawa, di nga phutelwa ngu nguwo msana ka efodhe; se ngako u txi teka ku di lava, di teke, nguko kha ku na dimwani hawa hahanze ka dile. Se Dhavhidha a to khene: Kha ku na tximwani txo fana nado; ni ninge dona.

1 Samuwele 17:7

Se ndonga ya ditxhari dakwe yi ti ti fana ni phande ya mluki, se simbi ya ditxhari dakwe i ti ti ni kunemela ka 600 wa maxekele a simbi; kambe masoni kwakwe ku ti thangela mrwali wa sivhikelo.

1 Samuwele 17:4

Sekoko ku to huma wamwamna wa ndena ngu digoveloni ka Vafilista, wule ditina dakwe i nga ti ti Goliya, wa Gati, a nga ti ni mtxhanu wa mikono ni wumwewo kulapha ni dianza dimwedo.

1 Makronika 11:23

A to daya kambe wamwamna mmweyo wa Muegipta, wamwamna wa txiemo txo lapha ngutu, wa mtxhanu wa mikono; se Muegipta a ti ni mseve manzani, wo fana ni ndonga ya mluki; aniko a to relela ni ndonga, eya honyola mseve manzani ka Muegipta e m'daya ngu mseve wakwe apune.

1 Makronika 20:6

Se ku to maneka yimwani yimbi kona Gati; koneyo ku ti ni wamwamna wa txiemo txa hombe, wa magumi mambidi a titiho ni mune, mtxhanu wa titiho ni limwelo ngu ka dianza dimwedo ni dimwani; ni mtxhanu wa titiho ni limwelo ka mkondo wumwewo ni wumwani, kambe i ti ti wa lixaka la ka Rafa.