1 Makronika 20:3 - Bhiblia Yo Sawuleka

³ Kambe vathu vale va nga ti ti ka dona, a to va teka e va veka ka mthumo wa masaho, ni ka mithumo ya misuka, ni ka matxhapu; se Dhavhidha a to mahisa toneto ka otshe madhoropa a vanana va ka Amoni; sekoko Dhavhidha ni votshe vathu, va to tshumela ve wuya Jerusalema.

1 Makronika 20:3 Referans Kwoze

1 Vafumeli 9:21

ka vanana vawe vale va nga sala ditikoni, avale va nga mbi fuviswa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.

2 Samuwele 12:31

Se a to tisa vathu vale va nga ti ti ka dona, e va veka amu ka mthumo wa masaho, ni mithumoni ka misuka, ni ka matxhapu, e va pindisa ngu ka sikho sa sitini; se a to mahisa toneto ka otshe madhoropa a vanana va ka Amoni. Dhavhidha ni votshe vathu va to tshumela ve wuya Jerusalema.

Joxuwa 9:23

Konkuwa koko, mi ruketetwe, kambe kha mi na mbi leka ku va tikhumbi, hambi valavi va tikhuni, mwendo vareki va mati, kasi kuyisa nyumbani ka Txizimu txangu.”

Eksodha 1:14

ngu kumaha keto, va to va pfisa kupanda kuhanyani kwawe, ngu wukhumbi wo nemela, ngu kuvhuva txitsowo ni kubhaka sitini, mithumo yo hambana-hambana, ya tithembweni ni mithumo yotshe yi va nga txi va ruma ku yi maha.

Vahebheru 11:37

Va fayetetwe ngu marigwi, ve sahwa ngu masaho. Va datwe ngu kubhayetelwa ngu matxhari, va pengisilwe va di ambate madhowo a tinvuta ni a tiphongo, ve xaniswa ni kutsotsorolwa, ve khotelwa mikorani.