1 Makronika 2:55 - Bhiblia Yo Sawuleka

⁵⁵ Se mimwaya ya vabhali vale va nga ti akile Jabhesi, i ti Vatirati, ni Vasimeyati, ni Vasukati; avava mbakeni vale va nga velekwa ngu Hamati, tate wa nyumba ya Rekabhi.

1 Makronika 2:55 Referans Kwoze

2 Vafumeli 10:15

Se Jehu a ti khukhile ngu hale, a to mana Jonadhabhe, mwana Rekabhi, a txi tela ku ta wonana nayo, a to mlosa, a txi khene: Ina mbilu yako njinene, ku nga mbilu yangu, i ku yinene ka mbilu yako kani? Se Jonadhabhe a to khene: Njinene. Sekoko Jehu a to khene ngako i di yinene, ni ninge dianza dako! A to mninga dianza dakwe, se e kwela nayo amu ka txikotxikani.

Valamuli 1:16

Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.

Valamuli 4:11

Se Hebheri, mkeni, a ti ti hambanisile ni Vakeni-kulowe, i ku vanana va Hobhabhe, tate wa Mosi ngu ka msikati wakwe, kambe a ti ti gwimbile matenda akwe, kala mkusuni ka Zahananimi, hafuhi ni Kedhesi.

1 Samuwele 15:6

Se Sawule a to khene ka Vakeni: Tsulani, khukhani, mi huma hagari ka Vaamaleki, kasiku mi si xaselwi kumweko navo, nguko anu mi kombisile wumbilu ka votshe vanana va ka Israyeli, mbimo yile va nga ti wuya ngu Egipta. Ngu kumaha keto, Vakeni va to khukha hagari ka Vaamaleki.

Jeremiya 8:8

Ngu kutxani mi ku khanu: Athu hi txharihile, hi ni Mlayo wa Mkoma kani? Wona mtenga wa makuhu a vabhali, wu hembile makuhu.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

1 Makronika 2:54

Vanana va Salima ngu vava: Bhetlehema, ni va ka Netofati, ni Atrothi-Bheti-Jowabhi, ni hafu ya Vamanati, ni Vazori.

1 Makronika 3:1

Se vanana va Dhavhidha, vale va nga velekwa Hebroni ngu vava: Matiwula i Aminoni, wa Ayinowame, Mujezireyeli; wa wumbidi i Dhaniyeli, wa Abhigayeli, mkarmeli;